冇心情

近日心情不太好呢.
唔知道!
真係唔開心.
得唔得呀!?
想抖抖氣呢!

走哂

Josephin同Jeannie一齊last day,
公司中最熟唯一的兩位朋友都冇埋.
悶死.

終於回來了!

整個禮拜都不停忙著,
每天只有工作.
食飯, 睡覺腦海中也是工作.

明天終於可以回來正常的世界.

問題>解決>問題

每日返工都有一大堆問題要解決.
不停睇email, 不停覆email.
清了一d, 阿姐又加返d.
不停要用腦, 真係好累.
最怕那種做極做唔完的感覺.

上星期週會雖然對講員的分享沒有太大的同感.
不過學習到凡事感恩.
每解決一樣問題都感謝主!
感覺很好!!

小休

難得放假一天, 可以好好休息.

雨天總是叫人感覺很累......成日頭重重!

同芝芝吃過午飯, 回家上網.

把日記轉了新背景, 開了網上相簿.

___________________________

明天返工, 又要開始忙埋數.

六月仲有考試呢!

壽司占卜

愛情：強勁自尊心，遇到有喜歡的人，都不敢採取行動。 (中~逼佢採取行動law!)
金錢：希望能一步昇天，身價立刻暴漲十倍。 (發夢時有想過!)
事業：成天都想一舉成名，但是又對自己沒信心，畏首畏尾。(冇想一舉成名, 不過真係冇信心.)
家庭：渴望有一個安穩的家庭。 (中哂!)
理想：對外表很在意，其實是內心自卑。(都係呀!)
性格：注重家庭觀念，講求公私分明的人。 (似呀!)
工作：努力向上，一步一步朝目標去。 (又係喎!)
財運：一個人賺錢，也一個人存錢。 (都算啦, 最好有人俾埋d錢我!)
交友：工作第一，很難交到密友。 (絕對唔係啦, 剛相反!)

係阿臣個od見到, 見咁簡單就玩下先.
大家覺得上面講我講得準唔準呢?
Chick here to try

擺大壽

昨晚我地一班團樹友去左觀塘一間酒樓同五月份生日的人慶祝! 秀汶, 細姨, 阿臣, 芷慧(臨時黎唔到~~可惜!) 基舜~唔計!(之前同佢慶祝左! 要夾錢呀!) 生日快樂呀!



好開心可以見到咁多人呀! 數數下原來有十四個呀!
除左生日果五個, 仲有雞蛋, 恆恆, 惠清, 朱朱, 阿麟, 細joe, Elsie, 阿lin, 同我呀! 好熱鬧呢!















左上: Elsie+強+lin+蛋
右上: lin+蛋

雞蛋+秀汶+肥恆
p.s. 下次唔好俾"老細恆"叫"食送", 好貴呀!!!




小飛飛+大咀鳥








基舜+阿臣








阿麟+Ocean+細joe

(阿麟同Ocean d動靜好鬼似! :p)






刀下留"蛋糕"呀!!! 細姨最後一刻趕到, 好在阿lin手腳慢!! (>o<;)










好難得約到咁大班人一齊食飯.雖然冇乜逐一同每個人傾計, 不過坐係當中已經好開心呢.好似一家人咁, 仍然係咁WARM! Thanks GOD!!!

足總杯冠軍

3比3, 要射十二碼先羸.
咁緊張的賽事都冇得睇!!!
憎死Now呀!!!!!!><

最新轉會情報

黑色結他:
2000年加盟"強聯", 至今效力六個球季. 表現極為出色.
但因近期受"手柄"的傷患困擾, 今年大部份時間只能做後備.
為增取更多上陣機會, 免費外借土瓜灣乙組聯賽升班馬"史塔聯".

紅色羽毛球拍:
昨日從旺角加盟, 立即以"一餐tea"的費用轉會到業餘球隊"阿芝奴".
"阿芝奴"領隊表示, 對成功交易十分驚喜及興奮, 並承諾以球拍參加更多的比賽.

英格蘭波衫:
"強聯"由幾個月前已經開始提出收購.
但因轉會費太昂貴一直未能成事.
終於今日在某大財團的全力贊助之下, 以破球會歷來最高波衫轉會費紀錄加盟.
趕及出戰下月的06世界杯.

差一步

熱刺聯賽最後一場輸波, 失歐聯資格.

米堡難得打入足協決賽, 結果慘敗4:0.

唉~!

充實

今朝一早起身去灣仔踢波, 唔夠訓, 有d頭痛. 之後頂左下頭鎚, 立即暈一暈, 幾驚! 好采熱左身之後就乜野!
好開心呢~今日見到好耐冇見的阿bill同吉林.
雖然我地唔係好齊人, 但係都打得好好, 打左好多場都冇輸過.
兩次落後都係最後一刻追平, 可見大家鬥志一流, 到最後一即都唔放棄呢! 抵讚!
我今日仲用"生蟲左腳"入左球靚波tim! 難得! :p 不過我的助攻就差d, 冇乜交過靚波俾隊友.
阿lin講到佢d細路好勁, 仲話我地可能會輸好多......唔係嗎? 上次隊教會勁好多喎.
其中果個細路真係幾勁, 不過我覺得"皇牌靖"勁好多喎!

下午我同細joe上左阿lin office幫佢整攤位遊戲. 估唔到三個大男人都整到d幾靚的野!

















屈到阿lin請食tea, 難得! 難得!
之後阿lin返去office做野, 我同細joe陪阿筠等佢. 係茶餐廳傾d咁既野, 真係幾攪笑! 雖然同阿筠唔熟, 不過又傾到計喎.
同佢兩個傾計好舒服呢!! (^-^)

芝麻綠豆

昨晚約左Step同細Joe係九龍城食飯, 之後去紅磡join埋阿Lin, Nadia同青雲一齊食糖水. 好開心又可以見返下d樹團友仔!
不過依個組合都係第一次呢! 青雲問我係邊屆畢業, 我自己都唔係好記得, 記得我畢業果時, 佢同nadia先黎樹仁呢! 而家大家都畢哂業lu!
唔知點解會識佢倆! Nadia係足球隊經理人, 實識啦! 不過係喎點識青雲架呢?? 應該唔識佢架喎? 呀! 應該係探camp呀! 我探過好多次camp呢~haha!
阿lin"disney"事件真係唔抵幫, 仲要唔知錯!


"芝麻綠豆"果然冇介紹錯呀! 香燈布甸好好食!

又撞到

今日放工, 返到大埔後去左吉之島行supermarket. 行行下聽到有把好熟的聲講緊電話, 一望之下原來係"crys桃". 哈又係咁o岩呢, 識左佢以來, 係大埔都撞過成十幾次. 哈~大埔真細!

不過難得今日見到滿面笑容的阿"桃", 因為成日見親佢個樣唔係好累, 就係好病. 好似好大壓力, 好辛苦咁. 今日見佢好精神, 心情好靚咁! 太好了!

不過我昨晚o完t, 個人好累. 傾左兩句就走了.

我同佢講不如今個月搵日約哂大家出黎聚聚, 順便同5月生日的人慶祝下. 5月生日的人好多呢! 基舜, 芷慧, 秀汶, 阿臣, 阿桃, 細姨......嘩, 真係好多呢!!!!!!

唔順

以為今次埋數做得好快, 好醒.
點知又俾阿姐鬧......
其實我都係照order做者, 又話我做之前自己唔o念下o岩唔o岩. 我其實都問過幾次啦, 人地comfirm哂啦, 點知都錯呢! 而家問妳, 妳又叫我再問返佢地. 想點呀!
又話我唔send俾妳approve, 之前又係妳叫我send去US 取approve. 人地approve哂咪做law, 又話我唔等妳approve就自己做.
好下次咪乜"差"野都send哂俾妳!
又話大陸d人都對數, 對到成十一點都未send野黎, 阿姐又追.
結果都係要自己對, 連累都要同事遲走. 激死!!!!

好唔順氣呀!!!!!!

o(><#)(#><)o