JOGA決賽SNAP SHOT

原本著住件UMBRO, 結果要穿返件NIKE先俾拿獎.



















我最喜愛球星-立青













隊長氣定神閒處理點球!不過......



















李生:兩隊咁互相踢個波出界,唔係辦法架喎!








踢到決賽先有個咁靚的場.

喜歡就喜歡

英格蘭進身八強!

但表現又再次叫人失望.

不過會繼續支持!

點解喜歡英格蘭?!

喜歡就喜歡!

有人話打得咁差, 踢得又唔好睇, 你仲鍾意?!
我想如果打得差就唔鍾意, 邊隊好就捧邊隊, 你永遠都享受唔到睇波最刺激最樂趣的地方!

前幾日

星期五晚約了兩位樹仁最friend的同學食飯, 知道Annie決了志, 好開心呢! 感謝主呀! 願神繼續保守佢成長. 希望遲d有機會可以同佢分享信仰呢.

還欠Amy未信! 要繼續為佢祈禱!
_____________________________________________________

星期六去了宣基舊同事的婚宴, 開心可以見返大家.


六個人而家得返carmen一個仲係宣基呢! 想起好多以前工作的片段, 其實果時都返得幾開心. 我想, 如果而家的同事可以係咁就好了. 而家返工真係好悶呢, 一個朋友都冇咁.
_____________________________________________________

星期日晚同以琳弟兄去摩士踢人造草場. 對手係細菌公司d客. 雖然係夜晚, 但係天氣又熱又焗, 好辛苦!!! 其實對手係弱的, 我地都輸好多球呢 :p
覺得自己狀態幾好, 帶波傳波都幾順. 不過冇計都幫唔到入波, 因為我都唔係d可以帶波一個過幾個的人, 一向都係打助攻同走位. 今日前面是完全冇供應, 下下要自己走去拿波, 有時又要回防, 個場咁大, 真係走死! 走到空位時, 又唔交(><)!! 想~如果海靖係度交波就好了.

不過同班弟兄一齊踢波都係好開心的!

南韓出局

南韓輸了出局, 慘!


聽到旁述不停鬧南韓的領隊.

"總係艾和卡特的調動係令人費解?!"
"冇理由咁出?!"
"咁的調動, 真係不敢恭維!"
"真係唔係好明點解佢換走李榮杓?!"
"薛琦鉉腳法上盛都唔明點解咁耐先出佢?"
"最大最大的分野, 都係領隊!"
"其實南韓的每一個球員都真係打得好盡力, 可惜領隊不當的調動......"
"唉.......唉......."

一場係咁, 兩場係咁, 最後果場都係咁. 真係俾個領隊害死!!

但仍欣賞南韓球員的努力同鬥志!

永不言敗

捷克雖然輸了, 但有一個人冇輸!

全場射門最多又係佢,
全場攔截最多又係佢,
全場走動最多又係佢,
攻又係佢, 守又係佢, 背起全隊.

尼維特

值得尊敬!

英格蘭

奧雲重傷, 緣盡世界杯. 可惜.


祖高爾越打越好, 射入一球世界波加一球助攻, 勁!

謝拉特後備上陣都有入球.

林柏特你去左邊?

勇奪JOGA3亞軍

我地SYCCF(樹仁團契)殺入NIKE JOGA三人足球的決賽, 結果同對手打和, 可惜射點球輸了, 最終奪得亞軍. 其偉,靖,嘉輝,強,臣 (基~黎緊)
短片: 球員吹水
相片: 比賽精華

其實參加之前真係想都想唔到會入決賽, 因為有成百幾隊參加, 睇落好多隊都好勁. 開頭仲諗住初賽就出局, 點知又俾我地踢踢下踢又踢左入決賽, 真係連有線"德能兄"都估我地唔到!
好似都幾符碌, 不過其實想真d都唔啦! 雖然羸得唔夠漂亮, 冇乜入波, 和左幾場. 不過其實我地d防守真係好精彩, 守得好穩.
幾隊強隊對住我地時踢得更唔漂亮啦, 俾我地打亂哂, 反而睇落我地壓返住佢地黎打.
其實踢到最後幾場, 真係好有信心一球不失, 結果我地都保持了整個決賽週(兩日8場)不失球的紀錄! 都抵入決賽架啦!
當殺入決賽, 踢成0:0, 要射點球的時候, 其實真係好有信心會羸, 因為我地之前幾場羸點球都射得好出色. 最後輸了, 都有少少失望, 因為我覺得好有機會羸. 不過都好開心, 第一次參加, 拉雜成軍, 練都冇練過, 就得第二, 總算超額完成啦! 領隊臣要請食飯啦!

不過Nike d獎品真係叫人失望~竟然係XL同XXL巴西球衣!?! 肥恆都著唔到XXL啦! 難為了大家吧!


32強賽
16強賽(點球)
4強賽
決賽 (有線李德能旁述)

英格蘭羸波

前晚英格蘭羸波, 縱然開心. 但睇到踢成咁, 又真係幾失望.

高治......雖然頂入致勝一球, 但不停浪費黃金機會. 對千里達就話有咁多機會俾你, 但如果對D強隊, 黃金機會可能只係得一兩個.

謝拉特射入精彩的遠射, 但佢個林柏特兩個真係夾唔到. 睇左兩場差不多冇見佢地互有傳送, 謝拉特入波後, 林柏特都冇同佢慶祝, 好似有心病咁.

不過朗尼服出令人振奮. 期望你助英軍改變單調的進攻模式.

奧雲, 對你有信心. 快D操返狀態搶返正選. 唔係的話, 靠高治就真係死硬.

幸有細JOE同芝芝相伴一齊睇波, 一齊睇係開心D!

有點失望

南韓2:1反勝多哥, 其實應該好高興, 不過又有點兒失望.

南韓隊失去了上屆的積極, 沒有了十上十落走不完的氣力, 沒有波到人到的壓迫.

開波時知道領隊收起了安貞桓, 薛琦鉉同金南一等主力都覺得好奇怪.

睇見前面曹宰榛完全冇用, 又夾唔到隊波, 但係遲遲都唔換走, 就仲激氣!

咁多個領隊真係只有希丁克最似樣, 換人最決斷.

結果下半場一出安貞桓, 隊波的攻勢先有返哂組織. 佢仲入球靚波tim, 好野!


不過點都好, 開心可以再次見到南韓球員完場後跪在場上祈禱感恩的畫面!

抵輸

每次世界杯都會為亞洲隊的球隊.

日本上半隊打出風格.

下半場浪費哂......70幾分鐘我已經話遲早輸返!

中場造就幾多反擊機會......前面三打二, 二打一全部浪費哂, 幾球可以即交又唔交, 咁易交的波可以唔知交左去邊, 連一次似樣d的射門都造唔到. 左後三都主得個攪笑, 好一個完全唔追波唔搶波的後衛! 右後果個仲差, 幾次空哂冇人逼之下可以唔知出左個波去邊......

薛高~踢波算啦~唔好玩領隊啦! d人一早冇哂氣都唔換, 唔識把握自己的形勢. 都話會輸架啦......講中.......唉.......中田同中村都盡哂力, 交足哂貨, 結果浪費哂! side料!

好采唔係我較喜歡的南韓隊.

好! 南韓隊! 明天幫亞洲爭返口氣!

有冇波踢?

依排晚晚睇世界杯, 攪到腳癢癢~好想踢波呀!

昨日終於有得踢, 不過落雨個地好濕, 對我地一班過氣球星真係有d難度.

跑又跑唔到, 波又控唔到. 唔盡興呀!

死啦, 真係退步哂tim!

細joe快d諗諗計啦, 不如搵人book下石鼓壟練下波, 好冇?!

冇計傾

最唔鍾意同d唔識波的人講波! 所以都費事side氣!

都係立青識野~睇法一致!!!!

人生一樂也

有咩好得過一大班波友一齊睇波,

一齊支持愛隊英格蘭,

一齊慶祝入波一刻,

仲有超級大銀幕,

加上一流的氣氛,

感覺好High!!!

完了

可以做自己喜歡的事了.

回應

THANKS

回應

多謝大家的鼓勵, 但係對我黎講壓力更加大.
想努力, 但真係唔得......
溫了整天, 再做時又錯, 好frustrate!
睇住黎做都唔識......點考......唉!

收拾心情

發現自己真係唔適合做管理層, 唔識supervise人.
對住下屬仲好似驚過對住上司, 連俾野佢做都唔係好敢. 真係冇鬼用!
"太介意別人的想法, 太在意別人的感受"始終係我最大的弱點.

感謝主, 下午有死仔Tim咁o岩去開葵芳搵我食飯. 同人吹下水, 可以輕鬆一下!

今日終於把所有工作做好, 交低哂d野俾人. 明天開始放假預備考試.
有d擔心~! 用了幾日假期, 又俾左咁多錢, 又會用好多精神同心機. 但好可能換來第三次的肥佬......
算了~收拾心情吧!