失望

好唔開心呢, 好想大哭一場......考試唔合格背後還要面對係上司和某些同事的踐踏......認識我朋友當中自己係落後最多的......考左咁耐都仲有4科.....過左2014就冇得考, 一個diet考一科都fail, 我得返有7個diet, 可以考哂4科嗎?.....新上司叫我快D考哂, 我唔想咩, 考到先得架......好真係盡左力都係咁, 點呀? 未考哂我咪又係做緊現在的工作, 放假考試都冇影響工作, 係唔係咁睇qualification呀? 我個point都低過我個post啦, 仲想點呀?!

教會也屈服於速食文化之下?!

昨晚聽過牧者的分享, 清楚了, 反而使我對三合一更加有所保留.

不是太空泛嗎? 太理想化嗎?......原因只是這些嗎?

首先, 三合一的目的就只是這樣嗎?
因為一些青年人只返團契唔返祟拜, 就把祟拜最重要的敬拜元素放進三合一裡.

又因為團契缺乏教導, 又把主日學的放進三合一裡.

最後還有一小時小組分享的時間滿足團契相交的需要.

所以只要有三合一就同時滿足三大元素, 不需要再返祟拜,主日學和團契了?!

咁我又想問問, 如果佢地平時唔禱告, 唔靈修, 唔讀經, 教會又係咪只要把這些元素加入去三合一裡, 攪個五六合一就可以嗎??

這樣豈不是治標不治本的方法嗎?

我想最重要不是形式的改變, 而是怎樣使他們真正明白這些事的意義!

另外, 三合一改善週會質素?

沒有質素的領詩, 靈修分享, 簡陋的週會就不如精簡化嗎?

當然, 牧者精心炮製的三合一的應該理應比起一班平信徒的職員更加有神學的智慧, 內容形式都應該更加豐富.

但是質素真的是最重要嗎? 精彩的週會就是好的團契嗎?

如果係咁, 大部份團友都唔可以事奉了!

但我相信, 一位唔識領詩的團友, 分享一首深有神感動的詩歌, 總比一個老練的團友, 精彩表演一個沒有神感動的敬拜更為神所喜悅.

記得自己曾於初信時當大專團契職員, 由於職員們都沒有經驗, 帶的週會也非常簡陋. 但我們相信作工的不是人, 而是神. 我們事奉不是靠著自己我能力, 乃是靠著我們的主. 結果這年的團契比之前更加興旺, 各人的靈命都有很大成長.

其實團契是一個很好的平台, 可以讓團友學習及嘗試去事奉, 在事奉中成長, 一同經歷神的帶領.

最後, 小組分享就可以取代團契嗎?

我認為團契是很多元素的, 分享只是其中一小部份. 團契可以是弟兄姊妹相交的生活, 在主裡一同學習真理, 一同經歷基督的恩典, 彼此相愛, 同心服事, 彰顯基督, 領人歸主.

總結而言, 就好似三合一的咖啡永遠都不及加糖加奶的好味.

三合一事在必行, 感覺教會也屈服於速食文化之下.

婚禮

一個月飲左四次, 真係飲到好累. 不過看到好朋友幸福快樂, 也為他們開心.

尤其是最近一次, 新郎新娘都是樹團的弟兄姊妹, 感覺特別親切.

而當天的證婚人又是樹團時所認識的導師, 她的訓勉雖然好短, 但也特別有同感.

跟她所說, 回想初相識的時候, 他倆也改變了很多. 其中特別是新娘, 記得當初鼓勵她做團長, 她十分擔心自己不能升任, 結果也做得很好. 轉眼現在已是教會最好青年導師了.

導師說, 最欣賞人不斷改變, 唔係原地踏步. 這話好像正中我的心口, 我的生命不就是停滯不前嗎?