年結

昨晚OT到一點幾.
今晚OT到兩點幾.
除了明天可以八點前走之外, 星期日至下星期五都應該要OT到半夜. 甚至有機會做到三四點!!!
請迫切為我代禱!!
求主賜智慧可以完成手上的工作.
- 有好多野未做, 有以前未做過的, 唔係咁清楚點做.
- 唔可以有任何出錯, 唔可以漏左冇做.
求主俾我有健康同精神挨過這個禮拜.

P.S. 新同事終於走了, 詳情有機會再交代.

最好的聖誕禮物

公司Dept的X'mas party抽中頭獎500現金,
12月加左十幾個%的人工,
3月將會收到額外大大份的specical bonus.

以上全部都比不上今晚媽咪係家姐同姐夫的教會中決志信主呢!

我自己都覺得好突然, 因為佢一向是拜偶像的, 每次同佢講親信仰就會話各有各信, 唔好理佢.
不過原來神真係有聽禱告的! 縱然我係依件事上根本沒有信心, 但神就應允!
開心的同時, 又有點擔心. 因為近排爸媽的關係好差, 爸爸甚至乎每晚都不願與媽咪一起吃飯, 晚晚去飲酒酒到好夜先返. 而且爸爸對信耶穌好反感, 真係怕佢地關係越來越差!
請大家代禱!

一個show

昨晚在舊同事安排下, 我同新同事兩個人傾傾.

其實我覺得傾完等於冇傾.

因為佢跟本完全唔覺得自己有問題. 只係將所有事推到話我唔了解佢, 誤會佢. 但係其實最重要的問題唔係我地間我誤會同溝通. 而係佢自己的工作態度. 根本每一個人都睇到!

佢講了一大推十分冠冕堂煌的說話. 說甚麼自己好重視team work, 甚麼為大局為公司著想, 甚麼為我著想"如果佢就左最辛苦的就係我." 我真係有d想嘔! 跟本完全同佢真實表現係兩回事.

話坦誠, 跟本佢好多保留, 完全唔提自己負面的野. 當我講出舊同事已經講了某d佢的想法時, 佢立即面色一沉,好似被人揭穿了一樣.

跟本唔係傾, 只係一個show吧!

佢仲竟然用基督徒黎"達"我! 佢話"大家都係基督徒要包容, 不過基督徒都有好有壞, 呀~不過唔係話你呀!" 有乜攪錯!!

原本我昨晚真係有d唔開心, 因為覺得自己當時冇即時challenge佢. 覺得自己口舌愚笨, 明明道理係自己果邊都唔識講出黎.

不過多謝某弟兄我一番話.
起碼我係佢面前都冇失自己的見證!
就算俾佢講羸我又點, 神是公義的, 神必的審判!

咁既人都有?!!

依幾個禮拜我已經好主動改善對新同事的態度.
仍然有問必答. 好有耐性咁教佢. (同事都話我先咁有耐性!)
平時d同事講佢壞話我都叫佢地唔好講啦.
今日終於忍唔住了!!!!
今日同佢講叫佢send d十月的野俾人approve, 因為係佢的duty. 佢就問點解之前冇send. 其實冇人send咪冇send law, 大家漏左唔出奇, 因為唔係urgent野, 可以慢慢approve. 之後我搵埋個file俾佢send. 結果過了一會, 佢send個email俾我話"佢係11月14日先返工, 唔involve係十月的野!! "
我即時好"火慶"!!
問佢"妳的email咩意思呀?"
佢話"你唔明算啦!"
跟住我講多兩句話, 就話"咁妳唔好send了, 我自己send俾人......有咩可以直接d講唔駛咁的!!!"
有冇攪錯!! 咁audit黎問野唔駛佢搵ga la, 未黎嗎?!! 11月前的schedul唔駛佢做ga la!! 第一日出黎做野的嗎?????

多謝所有同事都撐我! 我問心無愧!

縱然過左好耐之後佢又主動問返點send. 不過算了吧! 唔駛咁假了! 我已經好清楚妳係咩野人!!

開心籃球

星期六, 返母校培正打邀請賽.
輸波仍然開心.
聽聞1月又有"紅藍盾"打.
VAMPIRE隊的桃紅色戰衣又可以再度亮相!
輸波, 預左!
最緊要係人人有份出場.
繼續打我地的開心籃球!

暢談

星期五放工搵左阿靖陪我食飯.
竟然要我係街等左成個幾鐘!!!
原本都有d生氣, 不過一見到面又好開心, oh~唔記得鬧下佢tim!
食食下傾到成11點都唔係咁想走!

感謝主, 賜我這位暢所欲言的好兄弟!

愛情故事

兩個好朋友的日記.

兩個節然不同的愛情故事.

姊妹的痛, 少了吧! 感謝主! 其實仍然擔心. 唔知點講. 只有繼續為她禱告. 如果神真係讓他改變.

弟兄很痛吧! 不過我擔心的是......感覺他同神的關係真係越來越遠呢! 生命已經沒有神嗎? 想起最初認識時的他. 我也心痛吧!

抵鬧

今日做錯野俾老細鬧~第一次咁惡呢!
不過我又真係做錯得幾離譜, 太唔少心了!
真係抵鬧, 自己都鬧自己!

唉~近排成日做錯野, 真係冇哂信心呀!
而且仲有好多野未交呢~好驚!

執著

求主興起禱告的心
在這片乾旱土地, 沒有豐足的收穫,
願你察看施憐憫, 賜春雨滋潤大地.
是你永看顧的恩義, 叫我眾永不驚惶,
現我以信心回應, 獻上迫切的禱告.

求主興起禱告的心, 在你沒有難成的事,
藉已成就的禱告, 讓我開始認識主大能.
求主興起禱告的心, 像戰士激發熱心,
顯明你是獨一的主, 是你永遠作王.

週會時唔記得點唱, 彈得有d怪......捉唔到個旋律!
返到屋企勁練! 彈到好為止!
mum mum......自己的事奉心態都係太完美主義呢(蕭姑今日講的)!

冇用

考完!
唔識!
對唔住!
唉!

佈佳音

想起一首好好聽的聖誕歌!

Christmas is a time to love
Christmas is a time, Christmas is a time, Christmas is a time to love.
Christmas is a time, Christmas is a time, Christmas is a time to love.
We often start to worry and people get upset, if things don't all go right on Christmas Day.
What we should remember in all the push and shore is Christmas is a time to love.

Christmas is a time, Christmas is a time, Christmas is a time to love.
Christmas is a time, Christmas is a time, Christmas is a time to love.
May be things don't sound right, or look the way they should, and may be they're not perfectly in tune.
It really doesn't matter, let's keep our eyes above, cause Christmas is a time to love.

Christmas is a time, Christmas is a time, Christmas is a time to love.
Christmas is a time, Christmas is a time, Christmas is a time to love.

好耐都冇去佈佳音了!

記得樹仁果時, 每年聖誕節都會去報佳音的, 大家一到小息同放學就係學校門口唱聖詩, 派單張. 有一年甚至試過得幾個人拿支結他就走去尖東海旁報佳音呢!

今年好想去!!!

激氣

新同事真係好唔掂!!! 佢係一個40歲左右的女人!
工作態度好有問題!!!! 完全冇責任心!!
成日唔記住d野, 提佢睇note又唔睇, 教佢果時仲要發我脾氣!
返未夠一個月就成日都話要放compensation leave!
已經俾好少又簡單的野佢做, 做成日都做唔到!
唔識又唔問人, 問佢又話"得lar得lar!"好似你煩佢咁!
一路做一路發脾氣, 不停大力打keyboard, 掉筆, 係度"則則"聲!
一早講左我地好多野做要OT, 成日都想住要放工, 未做哂d野就走人!
每日傾成幾粒鐘電話!!!

不過佢應該做唔過今個月, 昨晚佢已經去HR度問而家辭職可唔可以羅返d假(點都要計盡!) 俾佢d野一d都冇做7點半就掉低話唔舒服走左! 我地OT到12點!
我地成班同事全部都話希望佢早走早著! 多左個人又幫唔到手, 仲攪慢哂大家, 又要激氣! 如果佢真係唔走, 我都真係會同阿姐講"佢唔走我走", 真係好頂佢唔順!

p.s. 佢竟然是一個成日返教會的基督徒, 唉~完全失見證!

日日做到冇停手

BUSY!!!BUSY!!!BUSY!!!BUSY!!!
OTOTOTOTO!!!!

12月8日要考試都未溫過!
原本打算12月5至8放4日假溫書, 現在未必可以! :(

八十四大壽

今日外祖母八十四歲大壽!
親戚們係酒樓擺左三圍慶祝!
食飯時, 我地一班表兄弟姊妹坐埋一齊.
其實我地感情好好的, 因為大家的年紀差不多, 玩得埋, 好似一同成長咁!
講起好多細個時的片段, 真係令人回味呢!
現在表哥都結左婚, 表弟表妹都拍哂拖呢.......我?! (><;) ....haha!

其實終於明白點解好似好怕出席依d活動呢......

祖母情況

祖母星期五做完手術!
非常順利! 情況好好! 感謝主!!

音樂佈道會

雖然今晚約唔到籃球隊未信的朋友出席, 不過仍然一個自己人去.

是喜歡詩歌, 喜歡音樂吧!

始終覺得時代感重的詩歌, 訊息唔夠鮮明. 聽完感動不大, 唔夠深刻呢!

記得中學未信時第一次在學校週會中聽到"生命為何?"這一首詩歌, 即時感動到流淚呢, 至今印象仍然深刻.

不過佈道會最重要都係有人信主, 今晚有成十幾人決志, Halleluia!

自己係音樂方面事奉的感動越來越大呢!
_________________________________________________________

返到屋企打左個電話俾一個近排好想關心的人, 都唔知講咩tim, 不過會為妳代禱的! 細姨加油!

差傳祈禱會

一路以來自己都唔太喜歡返祈禱會, 總覺得會好悶, 而且自已口舌笨絕, 好怕開口祈禱. 不過昨晚明知係祈禱會仍然好想返, 都係果句"懷著感恩的心返每一次的團契".

「感謝主, 讓我在祈禱會中感受到你的同在, 大大堅固孩子的信心! 」

原本打算今年內參加一次短宣, 不過由於工作的關係, 就唔到時間. 唯有寄望下年吧! 其實真係好想去呢! (阿有唔駛迫我喎!) 最少要去到一次! (pray for me!)

事奉方向......仍然未定實呢! (三大方向, 會唔會太多!)

經典片段, 不容錯過!

樹仁團契其中一個最經典的片段 "唱這歌"

>播放短片<

轉眼已經五年了......好懷念呀!

帶週會

今日第一次係以琳團契帶週會.
由於內容太過豐富, 超哂時完成!!
不過感謝主, D遊戲都帶到預期的效果, 而且反應仲非常好tim!

同組長"尾"姐合作得好開心, 互相配搭得好好! VERY GOOD!

減壓好方法

1. 籃球隊練波，不停走不停走，出一身汗！

2. 彈結他唱詩歌，唱返首飲歌先!
"只有你-永恆的主"

(情深地) 誰知心痛苦？誰解心裡憂？誰可於這刻伴我身邊訴？
只有您永恆的主，每一刻等待靜聽心聲。
誰犧牲富足？誰捨尊降卑？誰於黑暗中讓每點光照遍？
只有您永恆的主，帶出光輝令我溫暖。

(肉緊d) 人海中常失落，每天感到壓逼苦困，還願您每天也記念。
求恩主啟迪，使我能知道，您是永恆，您是盼望常在我心。

(哎破喉嚨!! >o<) 容許我靠近您~~永遠沒~~~掛慮，
容許我愛慕您~~因您是我~~~力量，
明天縱有幻變~~~~，求您~~~引導，
願此生全為您~~走過。(再唱副歌!!)
能使我滿足只~~~有~~~您~~~~~~ (冇氣~~x_x)

3. 祈禱, .......阿門.

請代禱

忙, 不停加班, 埋完數又要應付Audit, 好累, 好頭痛, 十日OT假都放唔到, 12月頭的考試要放棄了. 壓力好大, 走左阿head, 一連冇左兩個人, 好多野要接手, 無論識唔識都要撐住, 但係又冇人可以問. 而且其他人又會不停搵我問野. 答唔到就係我的錯, 係我的責任! 其實好多野我以前都未做過, 上個月先開始接手, 上個月埋數都做得好好, 少左一個人仲做得快左冇乜錯. 但原來某d同事(包括大老細)仍然覺得你唔得, 睇唔起你呢!

冇心機呢, 身心都好累......日記都唔想寫了!

又走一個

今日埋完數, 以為終於挨過, 下個月新同事返工會好d, 點知臨放工時"阿姐"(我team的阿head)同我地講佢星期一已經遞左信了, 下星期一走. 唔係嗎?! 又係做唔夠三個月呢!
請一個返一個又走. 條team得返我同另一位做得較耐的同事撐住, 其實好多野我都係今過月先開始take up, 好唔熟! 冇埋阿head, 點算? 邊個去handover呀!! 黎緊11月係hard close, 12月係year end. 真係冇眼睇! 我都想走......另外, 其實我覺得"阿姐"真係好好人, 又玩得, 依d阿head真係好難搵呢! 唔捨得呢!

心情好差, 雖然好累, 都想搵人食飯散下心. 多謝靖倍我! 好兄弟!
回家心情依然唔好, 不過再看了絕不公開的"兄弟四人勁歌金曲"短片, 開心了呢!

GOOD TIME

一齊睇波好開心!

曼聯vs熱刺
日期:10/22 時間:10:00-12:00 地點:鴨利洲立青房 陣容:三劍 攝影+旁述: 強

開波預測: video
曼聯領先: video
半場休息: video
熱刺追平: video

原則

今日在公司與一位同事為某些事情爭論.
在公司一向平易相處, 唔會say no的我, 竟然用咁認真的語氣講野, 同事也覺得十分出奇. 我自己開頭都以為是工作壓力太大, 影響自己的情緒. 但是想深一層, 不是這樣的!
是有人曲解我的意思. 我覺得佢所講的話有涉及我的工作態度. 之後我好認真地同佢討論. 佢只係覺得我在發脾氣. 敷衍過去. 我不需這樣的讓步呢!

仍然好生氣呢! 係原則的問題!
明天我一定要再找機會同佢再談此事!

放假日

今日放假, 原本想靜下, 用多d時間親近神, 點知好似仲忙過返工! :p

朝早, 唱詩"容我寧靜"+禱告+靈修(可惜時間太短!)

下午, 感覺好怪, 自我保護機制完全發動, 這不是我吧, 完全唔自然呢!

晚上同Ocean阿Bill食飯. 之後去左飲野+分享. 最後一齊禱告結束. 感謝主! 讓我可以成為別人的幫助. 聽到好耐冇祈禱的ocean開聲祈禱, 好感動呢!

代禱

工作壓力都好大!

好想有一個安靜的時間靈修, 禱告!

星期三

同事今日last day, 加埋昨日只係用左日半到就handover哂d野俾我.
勁呀, 原來大部份野我都識做, 有d以前仲做個tim.
同事話"咁唔怕啦, 你都識啦!" 喂喂~識唔代表可以做得哂呀! 一個人點做兩個人野呀? 之前兩個人做都做到死咁! d野仲要係好費精神, 好要用腦的! 點攪? 唉~今日已經第三次係公司講"死得!"

晚上練波前去左開教會籃球比賽的賽後檢討會, 傾左好耐, 不過其實都係一個總結吧~參加的人數極之不足, 導致工作人員分配等等好多的混亂呢! 不過我覺得咪當係一個經驗law, 今次攪得唔好咪下次攪好d law! 欣賞每一個負責的人所付出的努力!
選全場最佳球員(MVP)時我竟然進入最後兩個的題名?!! 唔係呀嗎? 唔好玩啦! 多謝大家~不過完全唔覺我有咩值得喎! 又唔係打得特別好, 又唔係射入最多分! 幸好最後唔係我, 唔係一定俾人投訴! 最後結果: 最佳球員緊係靈魂人物Bryan啦! 又好波, 又少犯規, 最後果場負傷上陣仍然咁勁! 真係實至名歸!

唔想返工

明天好唔想返工呢......好耐都冇試過咁唔想返工呀!
因為新同事做唔夠兩個月要走( 份工太辛苦+搵到新工), 7日通知, 得番3日handover野俾我同另一位同事. 而我要take up最多呢, 起碼8成!!!! 唉.......真係死緊! 其實我現在的workload都唔少! 好大壓力!!! 之前走左果個同事都要成個月先handover哂d野俾佢, 佢而家3日hand俾我, 點攪!
好驚!! 今個月埋數會唔會要晚晚做到2,3點先收工呢!

唉......

45週年暨康體事工推廣盃後記

今日連續打左3場比賽:
第一場對手係都幾弱, 輕輕鬆鬆咁羸成五十幾比十幾! 真係都有d唔好意思!
第二場硬仗, 對籃球隊的隊友. 我果隊兩個正選又唔係度, 得返我d後備球員, 佢地個隊就人材仔仔! 原本都以為會輸好多, 不過我地又打得幾好喎, 仲要領先tim! 但係臨尾主力球員Bryan傷出, 大勢已去, 最後輸左! 其實依場我打得好好~簡直係代表作~不停剷籃得手~連續射入左成二十分左右. 對手竟然要換人mark我?! 駛唔駛咁認真呀??!
到左第三場, 太累了, 打得好差, 仲要三次犯規, 迫住換出場! 幸好隊友打得好, 又羸一場!

兩個禮拜內打左七場比賽, 我果隊結果羸左五場輸左兩場, 應該得第二名呢! oh~如果唔係上星期輸左場2打3, 應該第一呀! 不過唔緊要啦, 一開始都係諗住玩下, 都冇諗住羅獎呢!

而且打得幾開心, 雖然真係同隊友唔係好夾, 成隊都好似各自打咁, 冇乜助攻. 但係大家唔會埋怨隊友失誤, 又好支持隊友, 感覺好好!

星期六

今日假期, 訓到成十一點幾先捨得起身. 食完午飯出去幫人換結他線. 原本諗住好快攪掂, 結果攪左成粒鐘, 魚絲線真難攪! 換完之後d線太新同個封哂塵的結他完全唔襯. 怪怪咁, haha!

晚上諗住返去教人結他, 點知原來得自己教自己呢? 不過照彈可也!
"有"話, 不如用下次週會前的時間攪詩歌敬拜. 好呀, 攪呀攪呀!

週會後對聖經翻譯及識字教育的事工更加了解,
真係唔簡單!!!!
十分佩服!!!!
願主大大賜福他們一家!
我都要好好珍惜自己果本聖經呢!

完左之後殺上"有"夫婦新居, 嘩~好好view喎! 一路睇返佢地d結婚相同video, 一路食支食極都唔知咩野味但又幾好食的"手信"雪條, 正!
Oh! 仲有林太特地為我煮的米粉, 唔好意思既.....麻煩哂喎, 不過真係好餓!

食野傾計

昨晚放工好想搵人食飯, 結果臨時找到step同細joe相伴. 我地去左APM個citysuper食野. 叫左個pizza，芝士煙肉意粉, 再加埋印度咖喱. 好食+好飽! 不過有人遲到請食糖水, 飽飽都食啦!
之後被隔檯的留璉糖水迫遷, 走左去starbuck. 座到關門, 又再返回citysuper. 傾傾下傾到成12點幾先走! 好enjoy幾個人一齊飲下野, 傾下計的時間呢!

其實有好多想去關心的朋友, ocean同sephseph都好耐冇見呢, 佢地都好似冇乜返教會呢, 好下次約下佢地先!

行街

今早請左半日假, 原本諗住昨晚同阿靖去睇英格蘭, 不過阿靖原來要返早, 最重要係大頭唔放人. 邊敢得罪佢啦! 下次約阿靖時會早d入紙申請的! :p

多左半日假, 可以訓耐d, 之後一個人係荃灣千色店行左一陣. 有時我都幾鍾意一個人行街, 尤其係其他人要返工的日子, 冇乜人幾舒服. 不過我行街唔係為左買野, 返而係一路行一路可以去想好多事情. 唔知呢?! 總覺得四圍行下, 頭腦會清醒d, 睇下唔同的野, 又可以觸法唔同的角度呢!

想起好多人, 一d好耐冇見的人, 一d唔熟的人, 一d擔心的人, 想起祖母, 想起焦糖咖啡, 想起足球隊, 想起神, 想起係時候要返工呢......><

新三劍俠

又話昨晚踢波時"三劍俠"一齊再影張相, 點知真係唔記得左!

用依張頂住先啦!
阿靖同大頭都分唔開架啦!

失落

其實都預計到行完山踢波會好累, 不過照行!
行完果時其實一d都唔累, 但係食完晚飯疲態盡露. 是呢! 忘了星期日又打左一場激烈的籃球比賽!
開波前見到膝頭又有小小腫, 唔埋, 紮住上場.
可能因為太過依賴冇傷的右腳, 踢左二十分鐘, 右腳抽根.
出場外抖左一陣. 再入去, 結果左腳抽埋.
再次出場抖一陣, 第三次入去, 結果都係再三要步出場外.
對於我一個每次比賽都會拼盡氣力, 不停走動的人黎講, 今日竟然走唔到, 激氣!

離開時, 好失落, 靖話明白, 佢都係, 睇得出呢.
唔係輸波的問題......好難講......只覺得唔係咁的!

累

勞累的一天:
行山, 城門水塘->金山郊野公園.
威爾斯醫院 + 追巴士.
元朗->千色廣場->田中隔離果間大大件壽司->老婆餅
橫洲工業區足球場踢波.
座64K陪老婆 餅返屋企.

雖敗尤榮

今日教會的三人籃球比賽, 我隊得兩個黎到, 其中一個我更是傷乒.
雖然其他的隊伍唔夠人會請窗 (搵冇報名的人幫手), 我同Bryan都堅持唔破壞犯規, 寧願兩個打三個!
最後結果......21:23只係輸兩分(估唔到吧?!) 其實我地覺得我地應該係羸的, 因為球證好多好明顯對方的犯規都冇吹 (打完之後我倆都傷痕累累), 連出面計分果個都睇到, 話我地輸得唔低! 真係唔忿氣!!!!
不過雖敗尤榮呢!!
自己今日打得幾好, 都入左十幾分, 幾球走籃唔入其實都係俾人拉住犯規的(球證又冇吹)!! 不過有兩球罰球都唔中, 如果唔係就可以追平!
多謝Bryan怕我再傷, 寧願自己一個係籃底搏殺, 好欣賞佢不停被人犯規都冇燥!
感謝主冇再傷, 打哂全場都冇事!

三劍俠

今晚三劍俠費盡唇舌, 終於取得下星期二晚出賽批准! 多謝大頭及雞蛋手下留情!

上一次三劍俠同場比賽想已是半年前藍田一役吧!

萬眾期待！

樹團足球隊

突然想起依首歌, 大家還記得嗎? hehe!　「樹團足球好野......真好野.......樹團足球好勁......好鬼勁.......我係xxx......」














好波不妨一睇再睇!

十一Wild Camp

星期六為左可以五點前走, 一早返到公司就不停咁做, 午飯都冇食, 結果到四點半攪掂左最urgent的野, 就立即飛入粉嶺同大隊會合.

結果都成個幾鍾先到火車站, 多謝阿微佢地等埋我呢! 之後一齊搭小巴入去鶴藪.

到去見到好多人呀, 好熱鬧, 好開心!

同芝芝姐姐, 錯先生慶祝生日. "祝您生日快樂, 祝您生日快樂...... " 個楊姿甘露蛋糕好好味喎! 跟住係BBQ時間. 可能我餓得太耐, 竟然冇乜胃口! 結果食哂小玉d麵飽, 小玉原來一塊都冇食到??! (><;) "sorry呀!"可能太累了, 食完野之後個頭好痛.

"有"夫妻分享佢地相識相愛的經歷! 正!之後再Raymond大迫供! 多謝佢地好真的分享! Do姐果然好pro, 不過到叫佢講果時就好pro咁避開左! 突然聽到自己個名, 好快反應 "冇野講!" 失敗的野又有咩講呢.

最後彈結他唱詩歌! 原來我有好多歌都唔識唱呢! 黑mama睇唔到自己隻手彈錯哂!多謝後面的人肉風扇, 好涼爽! 成大班人一齊唱歌真係好開心呢! 大家都唱得好好聽呀!

好唔捨得都要走, 因為星期日仍然要返工! ><

感恩可以百忙當中仍然有機會入去同大家一齊玩!

非人生活

由上星期四開始每日朝九晚十二的非人生活終於過去, 今日可以六點半放工了!

連星期六日都要返工真係好辛苦呀! 累死人啦! 個頭超痛!

問: 乜你公司真係咁多野做架咩??
答: 係! 唔止多, 仲要好趕. 趕到飯都食唔到! 最辛苦就係同時間幾樣野一齊趕住要做!
一來要趕住做香港埋數的voucher,
二來又要做programming center restructuring的野,
三來又要問老細comfrim點做, 又想追人approve.
另外, 最慘就係同大陸的幾間公司對數! 其實都唔係咁難, 應該係佢地對左有問題的transaction就問. 點之個個次次都唔識對, 只係打電話黎話唔夾, 個balance欠好多. "如果夾的話就唔洗對啦, 好多咩先得架?! 起碼都講俾我聽個difference幾大, 同邊幾條transaction有問題啦?" 仲要不停打黎追我! 趕住收工咁! 最後又係我一個人對哂幾間公司d數, 激死!!!! 我明明係HK Team的人都要做埋China的野, 好煩!!

算啦! 今晚要好好"目訓"返晚!

大大鑊

昨晚見隻腳仲未好, 食左一粒西醫俾的消炎藥, 結果出事~又係藥物敏感!!!
9點鐘食藥, 到11點左右隻眼好痕, 不停流鼻水, 經驗話俾我知又出事了!!
雖然藥物敏感唔係第一次, 不過每次都會好辛苦(比病更辛苦), 而且我知仲有幾個鐘挨!
隻眼好快就腫哂, 及至成塊面都脹起, 腫到甚至乎掙唔開隻眼睛, 睇唔到野! (變左鹹蛋超人咁!)
腫的地方又痕又"火慶", 好似想爆開的感覺, 要不停用冰敷眼, 不停飲水!
同佢爭鬥到三四點, 藥力終於散了, 程況好轉了. 雖然仲係好腫, 但己經唔痕唔痛, 終於可以睡一會!
朝早起身, 依然好腫, 又要請一日病假呢!

要入廠嗎?

個膝頭仲係好腫, 唔知係咪今日返工行得多呢! 應承左老豆聽朝仲係咁先去醫院險查. 佢講到好似好嚴重咁tim!
我話聽日會冇事, 佢話一定有事. 好似同佢玩大細咁!

唉~! 依排仲鬼咁多野做tim架?!

請大家代禱!

恩典

只要細心留意, 就會發現原來每天都不斷經歷神的恩典!

感謝主, 祖母的病情況轉好, 也因為這件事而令到我同家人的關係close左, 更加提醒自己要珍惜身邊的每一個人, 特別係自己的家人, 要把握時間讓他們認識基督.

感謝主, 樹團的camp, 再次讓我尋找到自己的價值同位置, 原來自己唔係咁差. 好多野都好得!
要懂得欣賞神的創造, 包括自己! 每個人一定有佢的恩賜~我願繼續做一條橋!

感謝主, 同蕭姑的分享, 啟發自己想到咩野先係成功! 人生的目標~過著榮耀神的生活!

感謝主, 讓我可以察覺身邊的人的需要, 讓我有關心人的心, 曾經埋怨身邊朋友冇主動關心自己, 現在發覺原來自己可以主動也是一種福氣! 習慣每晚為著身邊的人禱告!

感謝主, 讓我有帶人信主的機會. 星期日陪左籃球隊中一位未信的朋友返祟拜, 其實同佢好唔熟, 說真的我真係一個好怕同勿生人接觸的人. 完左崇拜之後我同佢傾左好耐, 雖然佢仍然唔係好信, 不過都會嘗試繼續返, 繼續尋求神!

感謝主, 無端端傷左隻腳, 但係可以換來一日的休息, 同親近神的機會.

不過蕭姑講得對呢, 係邊度跌倒就要係邊度爬返起身! 明白, 始終要再面對! 不過我相信靠著神總有一天會得勝!

舊患

今晚同團友打壁球乒乓波好開心.
最開心就係玩超級無敵乒乓波, 真係好攪笑!
玩接字遊戲, E先生講: 「123」跟住R先生講:「345」 之後小強好有信心地講:「678」~~輸左!!!

打完波發現自己左腳膝蓋屈唔到, 腫左一倍!! 其實頭先明明懶洋洋咁打, 有波都唔追, 汗都唔出一滴, 之後玩超級無敵乒乓波更加唔駛點動! 咁都出事?!! 雖然唔痛, 不過都有D擔心, 應該又係舊患! 因為以前打籃球時傷過, 膝蓋勞損有D骨質增生(醫生話冇得醫呀!), 每次劇烈運動後其實都會少少痛同有D腫. 今次雖然唔痛, 不過腫得特別勁. 唔知會唔會係我今年開始打返籃球所致呢？
唉......又唔打得嗎?!

原來超級無敵乒乓波都係一個幾危險的運動黎呢! :P

你睇唔睇到?

前日開始入唔到去睇自己同人地o既Blog, 原本以為blogger個server有問題, 不過發現其他人又入到去睇, 只係得我同阿基入唔到. 最後發現原來係用香港寬頻上網的都睇唔到!!!

點解會咁ga??? ><

祖母出院了

祖母出院了, 雖然仲未做手術, 要排期排到成11月, 但係現時的情況好好呢! 感謝主!
請繼續為佢信主代禱!

與傷心的人一同悲傷

弟兄有事, 雖然唔知咩, 文字間完全感受到他的傷痛.
無論咩野事都好, 我都會撐你的!!
神時刻都在你身邊!
為你禱告!

樹仁團契畢業生營(一)

一直期待已久的畢業生營終於完了!

第一晚入唔到CAMP真係有d可惜. 少左同阿輝、阿靖傾計的機會呢!

第二朝一早Anderson就打電話黎叫醒我去camp果邊的教會返祟拜. 不過太累了, 最後決定睡多一陣, 在自己教會返完祟拜先入去.

完左祟拜即刻趕入去! 原本仲想入去同大家食午餐, 點知班弟兄真係太餓了, 餓波好耐!!! 飯都唔食就走去踢波. 我當然都係其中一個啦! haha! 如果唔係基舜用心良苦地踢左個波落山, 我想真係要班姊妹黎收波先可以去下個program呢! :p

下午的program係競技遊戲, 真係好好玩呀! 好開心呢, 好耐都冇試過玩咁多集體遊戲呢! 原本我係負責帶的, 結果都有得玩埋一份, 真係好! 估唔到大家出左黎做野咁耐都係一d都冇變呢, 一樣係咁傻!

晚上二十人逼埋係一間房打邊爐, 好食, 但好熱......唔夠冷氣!

樹仁團契畢業生營(二)

晚飯後係一個分享會, 分享大家現在面對的困難. 個分享會真係好正呀!!! 以前都好少試過二十人一齊分享, 因為通常都會分組先. 原本以為大圍分享大家都唔會分享得咁深入, 不過這晚大家都分享得好真好深呢! 當有人分享完困難, 大家又會用詩歌, 聖經及動作等不同的方法回應, 互相支持, 互相安慰, 感覺真係好warm! 最後熄燈拿著螢光棒唱"這個家"及"We are one big happy family!"真係好感動呢! 結果破哂記錄, 個program去到兩點幾先完!!

不過覺得自己好似變得越來越唔識得分享自己. 雖然回應他人的分享, 安慰鼓勵人都冇乜問題. 但是一到自己分享就唔識得點講, 講完自己都唔係好明自己講咩...... ><

最後一日朝早, 大家都訓到成十一點先食早餐, 結果原本的清晨敬拜變左中午敬拜呢! :p 好鍾意同樹仁團契的弟兄姊妹一齊唱詩歌, 一齊敬拜呢! 每次大家都會唱得好投入, 看到大家從心發出的笑容, 真係好正!! 一個充滿感恩, 充滿喜樂的敬拜!

抽中阿筠的代禱事項, 除左佢寫果d我會幫佢加多一項, 就係希望阿年生性d啦! 不過唔知依樣野算唔算係妄求呢??? haha!

要走了......真係好唔捨得大家呀! 一班唔同年份畢業的人, 畢左業仍然可以咁多人聚埋一齊去camp真係十分難得呢! 入得一晚真係好唔夠呀! 未同好多人傾計呀! ><

感謝主賜給我們這個camp, 讓我們再次從弟兄姊妹的身上經歷你的大愛, 重新得力, 繼續走往後的路程!

婚禮

第二次做人兄弟, 不過都係乜都唔識, 佈置架新娘車都攪左好耐.
接新娘都算無驚無險, 個邊的姊妹都幾留手呢~ 好彩!
整個婚禮都好順利! 成個團契一齊去飲真係好熱鬧呀!

祝有&嘉麗: 百年好合, 永結同心, 主恩常在!

祖母入院

祖母今早入院, 心臟有事. 現在情況穩定.
爸爸媽媽去左旅行要星期五晚先返.
我同姐姐暫時決定唔通知他們, 免得他們太擔心.
不過好大壓力, 千其唔好有事.
求主保守祖母平安無事. 早日出院.

請為此代禱! 謝謝!

得勝之歌

昨晚同團友一齊去聽"得勝之歌"音樂會, 真係好好聽呀! 估唔到我地的詩班都可以咁pro! 詩歌的歌詞同程序都好有意思呢, 聽完都幾有得著. 不過由於隻腳有舊患, 唔屈得太耐, 座得都幾辛苦!><

有兩首歌最令我感動呢!

兒女何等有福
在壓力中仍能平靜，在忙碌中仍能悠閒，
在失敗中仍能歡笑，在逼迫中仍能屹立,
上帝的兒女何等有福。有福，有福，上帝的兒女何等有福。
在絕望中仍有盼望，在冷漠中仍有關懷，
在困境中仍有出路，在死亡中仍有生命，
上帝的兒女何等有福。有福，有福，上帝的兒女何等有福。

「然而，靠著愛我們的主，在這一切的事上已經得勝有餘了。因為我深信無論是死、是生，是天使、是掌權的，是有能的，是現在的事、是將來的事，是高處的、是低處的，是別的受造之物，都不能叫我們與神的愛隔絕；這愛是在我們的主基督耶穌裡的。」（羅8:37-39）

我將生命交給上帝
我將生命交給上帝，患難不能將我嚇倒，
我把生死置諸度外，逆境不能令我下淚。
帶著微笑，昂首闊步，走著上帝要我走的路。

感謝主！上帝的兒女何等有福！

同路人

1.念那天起步 懷內滿掙扎
　誰料覓真理 路遠又險窄
　越過眾山嶺 還望你鞭策
　迷途我驚慌 盼為我導引
2.自你同上路 懷內滿興奮
　同實現真理 路遠能呼應
　俗世多圈套 常望你督責
　求為我祝福 努力不後退
副歌：
　碰到挫折我掛慮 肩擔重壓我困累
　一生幾多試與煉 你為我祈禱
　見到快慰開心事 但願樣樣你分嚐
　為你感謝神 同路極珍貴

Bb轉Eb的歌, 一次都未練過就要即時彈, 真係有d難度! 仲要係咁多人面前~壓力好大呢! 其實彈得幾差, 希望冇咩人聽得出啦! (><;)

分組時聽到蕭姑的分享, 真係想同佢講聲對唔住呢!

籃球場上

上過星期因為返工好累冇去練波, 隔左一過星期再去, 今日反而打得幾好, 仲入左好多波tim!
走果陣隊友仲問我係咪自己返去練過?! mumm....玩滑浪唔知算唔算練過下體能呀?! Haha~可能平時打得太差吧, 今日打好少少大家就好出奇呢! :p
其實現在比我中學時真係差好遠, 記得果時真係任何的遠射甚至三分球有空位時命中率真係高達70%, 現在......10%都冇. 今日入果d都係係籃底或者係快攻走籃呢!
咁多年冇打, 技術差左, 信心更差! 現在接到個波後, 只會想著交俾人, 有空位都冇信心射波, 因為覺得一定唔會入.
今日總算有進步.

原來"冇自信"也可到籃球場上看到!

這個家

好開心, 昨晚終於邀請到B弟兄跟我返團契. 記得認識他當時還是未信的, 之後看到他信主, 到現在看到他第一次返團契, 心裡真是感恩非常! 希望他可以在團契中得到支持, 在信仰上不斷成長!

週會中, 聽到R弟兄在領詩的分享, 真係好大感觸呢! 其實我自己也試過多次唔想返團契, 甚至轉過好多間教會呢! 我想也許我明白他們的感受吧! 雖然現在我冇咩可以幫手, 唯一就是為他們禱告, 相信神一定會尋找他們回來!

下面係我一首好鍾意的詩歌, 願團契都能像這個家一樣!

這個家
願你帶著歡笑走進這個家
互勉帶著基督愛心
共探討天父真理同明瞭神話語
走每一步能緊守主旨意
多分享主愛彼此擔憂慮
願主帶領我路程不畏懼
效法主關心與扶助齊學習兼實踐
願愛主事奉竭力在這家裡

工作: 盡力做好自己的責任, 減少與同事比較.
家庭: 改變自己為的態度, 做好見證.
與人相處: 坦誠, 主動開放.
愛情: 耐心等候, 祈求.
金錢: 十分一奉獻.

遊船河

今日去左同事攪的游船河, 都幾好玩, 不過差d遇溺! :p
其實我係唔識得游水的, 原本都冇諗住落水, 不過見大家游得咁開心, 係船上面又冇乜野做, 就落左水游一下. 開頭游左去好近船邊的水抱, 都ok喎! 之後浮遠左少少, 諗住放開個水抱游返上船, 點知就差d出事!! 原本以為好近, 但係又游極都游唔到返去, 個人越急就越亂, 越來越唔夠氣, 當時都真係幾驚, 不過最後好辛苦咁都挨到返去! 諗返都幾恐怖!

之後又去左玩滑水, 試左四次都唔成功! 其實我都算幾好架啦, 企倒起身, 轉埋塊板, 就係之後唔記得重心要向後, 結果就失左平衡, 跌左落水! 相信只要俾我試多一兩次, 就一定得呢!

九月

終於埋完數了!! 可以鬆一口氣~! 工作又可回復平靜!

九月有好多節目呀!

先黎個遊船河,
再黎分別約左幾個朋友同佢地慶祝生日,
跟住團"有"結婚請飲,
之後又會立即入CAMP.

好~! 要玩返夠本先!

巧合

昨晚返合團竟然見到"慧玲"?! 樹仁團契時的組仔, 都好耐冇聯絡了!
雖然我一早已經知佢在教會office做野, 不過都冇機會打招呼!
我開頭仲以為佢番"以利亞團"tim?? 佢即刻話"我邊度有咁老呀?" (><;)
Hahaha~! :P
原來佢上次已經開始返"以琳團契"呢, 不過我冇返咋!
HAHA真係巧合! 好......大家都算係新人吧, 有個照應呢!

聽團友分旅行經歷, 真係又正又驚險呢!
好! 今年內, 點都要衝出香港一次!!!!!

嘩! 原來係香蕉黎架?!?! 我仲以為係月亮tim, haha!

ZzzzZzz......

醒d啦!

雖然番左而家依份工只有年幾, 但是Job Duty已經轉左好幾次, 之後又轉了! 最熟果樣就唔駛做了, 唔熟果樣就要繼續做. 新果邊係點? 連上司都唔係咁清楚有咩做.
咁樣做黎做去都對自己做果d野好唔熟, 人地又會覺得你做左咁耐都好似乜都唔識! 有d野唔明想問清楚下, 同事又話你好問佢, "自己唔識搵答案咩, 醒d啦!" 鬧完你結果都係冇答, 點敢再問呀!!! 但係老細就當你乜都識, 唔係你duty都要知! "有冇攪錯呀? 自己做緊d乜都唔知既咩?"

想點呀?!

唉~~真係好似自己都覺得自己係公司可有可冇咁, 自信心大受打擊!!

寧願冇智慧

昨晚去左檢查牙齒, 牙醫話我有三隻的智慧齒要脫. 下面果兩隻仲話要做手術tim, 算高風險喎?! 佢話因為好近d神經線, 有機會之後果度會冇感覺!! 但佢話又一定要脫喎! 佢又講到個手術好恐怖咁, 又話要割開邊度, 又唔知點打碎隻牙, 好驚tim!! 而且費用好貴, 仲要每隻分開咁計, 真慘!

知道考試成績了, 一科合格一科唔合格. 同自己預計的一模一樣, 所以都冇乜感覺. 十二月再來啦!

下雨也許是祝福

今天仍是下雨呢!

「來吧、我們歸向耶和華．他撕裂我們、也必醫治．他打傷我們、也必纏裹。過兩天他必使我們甦醒、第三天他必使我們興起、我們就在他面前得以存活。我們務要認識耶和華、竭力追求認識他．他出現確如晨光、他必臨到我們像甘雨、像滋潤田地的春雨。」(何6:1-3)

神滋潤我的乾涸，以致日後我有信心、勇氣及恩慈去滋潤別人．

哭笑

今日同朋友傾電話中, 我笑左一下, 突然定了, 感覺好怪. 原本傾電話笑有何出奇? 不過是好出奇呀, 因為係我好似好耐都未試過咁笑, 發自內心的笑呢!

感謝主送我這首歌, 是我第一次聽呢...... 終於落淚了!
God will make a way

God will make a way
Where there seems to be no way
He works in ways, we cannot see
He will make a way for me

He will be my guide
Hold me closely to His side
With love and strength for each new day
He will make a way He will make a way

By a roadway in the wilderness He'll lead me
And rivers in the desert will I see
Heaven and earth will fade
But His word will still remain
He will do something new today

夠了

夠了! 停呀! 傻完了!

仲有好多蕭姑的功課未做呀!

要重建自我!

主題曲

The Moment

這一刻 回頭看見自己
這一路的風景 百感交集的我
下一刻 又將飛向哪裡
漸漸疲憊的羽翼 為你披上了勇氣

放心離開我 我會記得這一刻
那些還飛翔著 不可思議的夢
雨後的天空 會有絢爛的彩虹
像最初相信著 我們終會找到自由

這一刻 時間變成行李
越過生命悲喜 陪伴著我前進
因為你 讓我看清自己
面對未知的恐懼 腳步更加堅定

放心離開我 我會記得這一刻
那些還飛翔著 不可思議的夢
雨後的天空 會有絢爛的彩虹
像最初相信著 我會找到自由

哦……只是遠行 不是逃避
告別是為延續回憶永恆的華麗
你……要照顧自己 不要忘記
那些燦爛過的痕跡

下雨

是天氣影響心情, 還是心情影響天氣呢?
這幾天都是下雨呢! 明天可見到彩虹嗎?

<彩虹下的約定>
我空虛的心靈終於不再流淚，
期待著雨後繽紛的彩虹，
訴說你我的約定。
我不安的腳步終於可以停歇，
主你己為我擺設了生命的盛宴。
與你有約，是永恆的約，
彩虹為証，千古不變。
我要高歌為生命喜悅，
萬物歌頌你的慈愛，
大地訴說你的恩典。

找我

我　有見過我吧 撞面於哪地　尚在調查
我　我走失了吧 但是失落何地　誰能回話
得　孤單會認得我　
和沉默倆躺臥
日子給洗刷　思想給折磨
我願守在原地　再度找我

曾經　將一顆心埋在這地　
殘留回憶獻技
這凶器　太鋒利　身心亦分離
留下傳記　無劇情講心死

你　你說你愛我吧 我會否接受　尚落力調查
我 走失了吧 但是失落何地　誰人能回話
請　收起這份牽掛　無能力接收下
沒空位擺放　簇新的愛情
某段失落情話　結下瘡疤

如果　將一顆心投入禁地
仍然埋首獻媚
這凶器　太鋒利　不適合嬉戲
留下傳記　由劇情講心死
尋覓自我傳記　隨劇情終枯死

累了

埋葬

怕望著人的眼睛,
怕看出我的傷痛.

痊癒

詞曲/編曲：黃國倫

濕濕冷冷的空氣 吹彈可破的憂鬱
品味 妳給的 哀傷和甜蜜
這雨彷彿下不停 藕斷絲連的悲喜
像是在今夜 得痊癒 不再 暗哭泣

曾經愛 在純真中萌芽 變成痛 在猜疑後埋葬
然而夢 它依然在掙扎 常在失眠的夜裡 自問自答
幻想妳 依然在身旁 用真心 換走妳憂傷
來不及 這樣的愛情 曾經綻放多美麗 卻又凋零

任時間模糊記憶 在風雨過後 傷口 慢慢痊癒

退修+培靈

請左兩日假休息.
今日原本打算出戶外退修, 不過由於未病好, 咁熱的天氣出戶外分分鐘中暑, 結果出左尖沙咀中港城的Pacific Cafe退修 (係咪未聽過人去cafe退修呢?!haha!) 不過其實個地方真係幾舒服, 又靜又冇乜人, 仲有大大張的sofa座tim!今日係度一邊嘆住杯焦糖咖啡, 一邊睇書, 讀聖經都不知幾正!
坐左幾粒鐘睇讀了成卷羅馬書......不過未清楚呢......可能因為自己內心已經有所決定時好難分辨夠竟神的心意如何......需要消化呢!

夜晚去左培靈會 (好想聽神的道!!), 估唔到又係講羅馬書呢! 同講員所講一樣, 我果然忽略左果節呀! 雖然同我煩緊的問題無關, 不過好有得著! 神呀~! 這才是我們的大使命呢!

是明天嗎?!!!! 有點害怕!

狂食補數

今日成個病樣返到公司, d同事都叫我請病假返屋企"抖抖", 不過咁遠出到黎先返屋企好似好唔抵( 都唔知咩野道理!) 所以就挨到放工立即走人!

不過今日胃口好左, 立即狂食野補數(食返兩日的份量!!). 食完飯仲有朱古力啦, 雪糕啦, 同埋"東""luc"......正!!! 感冒o者~ 醫生都冇叫我戒口...... (因為都冇睇醫生:p)

又病了

原來心情差, 身體都真係會差d!

昨日係架冇冷氣的冷氣巴焗一焗, 夜晚又係團契時凍一凍, 即刻病左!

昨晚已經不停流鼻水, 今早仲有d發燒tim!!!

成日假期就係屋企休息了, 最慘就係冇胃口, 乜都食唔落咁, 但係其實又好肚餓呀!

特別的週會

今日週會特別為兩位將要去讀神學而設的!
雖然我地好多"哈碌"又唔記得對白, 唱歌又入唔到, 走哂音! 不過真係好有心意呢! 覺得以琳團契的弟兄姊妹真係好好, 好有"情", 好warm呢!

另一方面今日見到好多好耐冇返的弟兄姊妹, 真係好開心呀! 希望佢地可以之後都返黎啦! 不過我相信每一個返唔到的人一定有佢自己的原因的, 雖然唔知點先可以關心佢地, 不過我會為佢地禱告的, 希望佢地可以再次投入番團契生活啦!

最後又到分組分享祈禱的時候, 唉~ 覺得自己對弟兄姊妹唔夠坦誠呢! 對唔住呀~ 其實自己一直有唔開心的問題都冇分享, 表面上仍然好係冇乜野咁! 對唔住呀~ 其實唔係對大家冇信心, 不過某d 野真係好怕分享呢!

傾計日

多謝死仔Tim今日特登請半日假同我食午飯 ! 車~ 其實佢一早請左假啦! 鬼係特登陪我!! 不過都好開心! 多謝佢今日只係靜心聽我講, 冇強加自己意見係我身上! (一轉佢多野講的作風!) 讓我冇咁大的壓力!

之後約左蕭姑傾計, 傾完之後其實仲多更多問題想......唉, 最怕想野的!!! 不過真係多左幾個角度看!

誰能使我們與基督的愛隔絕呢．難道是患難麼、是困苦麼、是逼迫麼、是饑餓麼、是赤身露體麼、是危險麼、是刀劍麼。如經上所記、『我們為你的緣故、終日被殺．人看我們如將宰的羊。』 然而靠著愛我們的主、在這一切的事上、已經得勝有餘了。(羅8:35-37)

決定下星期請兩日假去退修! 再聽神的心意!

不過其實到現在我都偏向某一邊的決定了!

朋友

其實依兩日好想搵朋友出黎陪下我.
結果.......
不是沒找, 打過好多電話呢, 一個兩個三個......原來......可能太急了吧, 我又冇話有好重要的事, 唔得閒呢......明白的! 同讀書時真的唔同呢, 各自有各自的生活吧! 是我期望太高吧! 和自己比較呢! 定係其實我冇乜真正的知己朋友呢?!
有時真係好懷念以前未信時中學朋友那份所謂的義氣, 就算一年都唔搵幾次, 一有事就幾夜幾遠都會出黎. 如果唔係價值觀有唔同, 有d野好難傾, 我想我搵他們更好!

發現原來一路以來都只有我主動約人吧! 是呢!
我唔打電話俾人, 相信一兩個月都唔會有朋友找我呢. (除左生日吧! ha!) 都幾灰吧!
是嗎? 因為一直以來都係我做慣主動嗎? 無論攪CAMP, 開組, 食飯, 聚舊等......

算了, 累了! 唔再主動了!

對唔住呢, 唔係想係度話人, 可能我自己都一樣呢, 都係心情唔好發洩一下自己的感受o者!

還有詩歌

連續幾日OT真係好累呀, 今朝結果唔知醒, 遲到20分鐘! 好彩阿姐冇urgent野搵我!

今日終於可以九點幾返到屋企lu!

雖然好累, 仍然拿起支結他不停彈, 不停唱詩歌.

其實每次唔開心我都會彈結他唱詩歌.
一來可以發洩自己的情緒, 二來又可以乜都唔想. 幾好!

其實真係好鍾意唱詩呢~!

失眠

已經有一段時間失眠lu......
就算幾累, 都要兩點後先訓得著, 五點左右就會醒.......

掙扎

白天裡 我戴上好人的面具 跟別人一樣快樂的上街
黑暗中 慾望似漲潮滿月 沒人看見 無所謂
許多事 做了馬上就後悔
許多夢都來不及實現 oh！ 就已妥協

過幾年 慢慢麻痺了感覺 這年代 良心已蒙了層灰
有時候 我又清醒的自覺 這種生活 不可為
我每天 站在那十字路口
所有抉擇都在我的眼前 oh！ 怎樣去選
掙扎 誰能了解 我只好

唉……呀……我真是苦阿
唉……呀……凡人難為
唉……呀……認命或超越
誰來救我脫離 這種宿命難熬的滋味

在愛與不愛 要與不要之間 夢想實現 黑夜與白天
純真事故 真實與謊言 男與女 左臉與右臉
天和地 上帝和魔鬼
永恆天堂與沉淪地獄之間 oh！ 不停掙扎
誰來 帶我展翅高飛

唉……呀……我真是苦阿
唉……呀……凡人難為
唉……呀……認命或超越
誰來救我脫離 這種宿命難熬的滋味
唉……呀……我想要改變
唉……呀……還有機會
唉……呀……錯了無所謂
我想認認真真 活得輕鬆又有尊嚴……

詞曲/編曲：黃國倫

好似生病了

昨晚開始好累,
今日好頭痛,
發冷發熱咁!

唔係月尾先黎病呀?! ><

送別

Raymond姨丈一家人明天要走了, 返加拿大. 可能要等Rainbow讀完書四五年後先返.
雖然平時我自己都好少見佢地, 可能都係過時過節先見. 但知道佢地要走, 真係好唔捨得呀!
佢地全家都係基督徒, 對每一個人都好好, 好關心我地. 記得當佢地知道我信主時開心到不停感謝主, 當我受浸時又一早去買花好似仲緊張過我.
聽日要返工去唔到送機, 所以藉著今日有假期去見一見佢地, 作最後的送別呢! 咁都好, 如果唔係聽日一定喊!
佢地叫我帶爸媽返教會, 我有點呆了. 之前我想既然阿姨一家都咁熱心就等佢地帶爸爸媽媽信主啦. 點知現在佢地要走, 個波又交返黎呢! 好, 我同家姐會努力ga lar, 希望阿姨一家返黎之時, 最少媽媽都信主呢!

親愛的Raymond姨丈, Nancy姨姨, Rainbow表妹. 再見了!
願主祝福你們!

心靈愛語

我想像自己是那顆小種子, 周圍是肥沃的泥土......
我嘗試用各樣的方法去掙扎, 企圖控制情況......
我只看見自己無能為力......
我以為掙扎要使勁, 原來放手- 信得過肥沃的泥土會有足夠的供應, 令生命慢慢蛻變- 的勇氣也很費勁......
我雖放手, 但有全能的神在...... 我既知自己無能, 就讓祂動手好了......
我仍有點兒不放心, 但我的信心對我說: 「只管站住, 看耶和華今天向你所要施行的......」(出14:13)

逃避等唔等於放手呀?? 放手就連自己的心思都可以改變嗎?

恩賜

恩賜恩賜, 依個題目其實都聽過好多次, 以前自己帶服侍組都帶過. 但當每次叫到自己講自己有咩野恩賜時, 都會覺得好難, 想唔到! 我又好似樣樣都識少少, 但係就冇樣精, 冇乜專長, 果d都唔知算唔算係恩賜.

我想我最叻就係八卦同吹水吧! 都算係關心人的恩賜嗎? Haha!

踢波

近來踢波越來越少人, 足球隊其實已經有名無實, 真係有d心灰意冷的感覺.

今日又勒唔住自己的舌頭, 係阿年面前話佢個friend. 之後自己念返都覺得好唔o岩, 結果打返俾阿年講對唔住呢! 雖然都知是少事阿年完全唔會介意, 咁打去都講返幾傻. 不過我覺得自己錯就一定要道歉呢~this is My原則!

三個男人兩個"煩"

臣, 終於搵到個完全明白我掙扎的人!

標, 多謝你坦誠的分享及對我的信任!

唉!

今日幫手帶查經帶得好差呀! 都係自己預備得唔好啦, 又唔識同人夾! 唉!

保齡球

今日公司包起成個場攪保齡球比賽, 雖然唔識打, 不過唔洗錢有得玩就緊係參加啦! 其實都有好多年冇打過lu (依d咁昂貴的活動, 玩唔起呀!). 記得以前中學時閒閒地都有一百分左右, 現在變左坑王!! 不過竟然都拿唔到最有體育精神獎 (全場最低分!).

比完賽仲有成個鐘俾我地任打, 一個人打左四局, 爽呀! but隻手好累呀!
>_<

實在的不足

神, 對不起呀!

題醒自己

保羅說：「若仍舊討人的喜歡，我就不是基督的僕人了」(加拉太書1：10)

我想這段經文正路解釋是若你仍害怕別人譏諷，或仍想討人喜悅，你就無法好好維護你的神和祂的國度。

不過其實我想到第二樣野!

我有時係度想, 我無論係同事面前, 朋友面前, 弟兄姊妹面前都係一個好好的人. 但其實可能唔係出自真心, 唔係為左見證神, 可能只係為左討人喜歡吧!
唔知呢, 有時俾人讚會好開心, 但轉過頭又會有d唔想人讚的感覺, 其實我唔係咁好人呢!

我要去camp!

今日食飯好開心呀! 見到好多老朋友~有老El, 老朱, 老舜, 老汶, 老靖同老蛋. 大家仍然係咁傻, 一見面就不停講笑!

突然成立攪camp籌位會, 主席: 老El, 文書: 老El, 財政: 老El, 聯宣都係老El. 勁呀!! hahaha

中秋節攪camp, 好呀! 好耐冇去camp lu! 又有得傾通宵呀~正!

醫生走了

今晚同以琳團的弟兄姊妹一齊歡送一位會去星國工作的姊妹. 其實我同依位姊妹唔熟 (都係昨天先記得佢個名, 我之前以為佢叫慧中, 原來係中慧呢 ~haha!), 有人問我點解會黎? 唔知呢~我想因為我都係團契的一份子嗎, 好想一同去支持佢!

一個人去一個沒有親人的地方工作真係一d都唔易, 不過我相信無論姊妹去到幾遠, 神都會係佢邊伴保守佢的!

創世紀

仲有兩集就大結局啦! (唔晚晚追lu~!hehe)

一套幾年前的電視劇, 對於我同一位弟兄黎講, 其實別具意義.
每次睇依套劇我都會想起佢.

就係播放果年, 馬志"強"認識了葉榮"Tim", 一位生死之交.

就係果一年, 我地一齊攪好無煙城"樹團"!

恐怖的Quarter End

連續返工兩個星期都冇假放, 一連三晚加班到半晚十二點幾, 連午餐晚餐都冇時間食!
累死人呀!

其實辛苦都唔算太慘, 由於依兩個月都有同事走, 越來越多野要take up, 開始有d應付不來. 今次month end做錯好多野, 同事都有點埋怨. 不過自己更加唔開心, 覺得自己都真係太唔小心了! 壓力好大呀~! 過埋下個月個同事走左仲死! 唉~!其實真係唔熟佢d野~點take up呀!

唔想了! 今日總算可以準時d走呢~要好好"目訓"番晚先!

感動

同事要走, 要take up好多野, 好亂, 做錯好多野, 壓力好大呀!! 生日就係咁度過了!

整天收到好多朋友祝福的SMS同電話, 多謝呀! 多謝大家咁重視我呀! 但係由於係公司傾計唔係咁方面, 好似唔係好講倒野咁, sorry呀! 不過其實我真係好開心o架!

放工返到屋企成點幾鐘, 媽咪竟然咁夜起身俾封利是我, 祝我生日快樂, 仲留左一個生日蛋糕俾我! 佢見我好累, 就話算了唔好食了早d訓啦, 就返左入房了! 我原本都唔餓, 不過我都去雪櫃拿左個蛋糕出黎食.



好好食呀.....好感動......哭了......多謝爸爸媽媽......

生日

剛剛先放工返到屋企, 明天還要繼續OT呢, 已經連續兩年在公司過生日了!

不過又冇乜唔開心, 唔知呢? 上年一個好唔開心的生日後, 好似已經對生日冇乜感覺. 冇乜特別, 日子又係咁過. 冇想過點慶祝, 其實都應該都唔會慶祝. 反而好似慶祝朋友生日仲開心!

點都好啦! 係度只有自己同自己講句 "生日快樂!"

敬拜

週會題目係敬拜, 請左友堂的敬拜隊來到我地團契帶敬拜, 分享咩野係敬拜.

佢地帶的敬拜同樹團或潮浸果種模式冇咩分別, 不過我地以琳團契就好似冇乜依種敬拜呢! 通常週會都只有詩歌分享.

其實我之前都想過係團契攪下詩歌敬拜, 今次正合我意呀!

敬拜感覺好好, 同神好親近!
當中腦海浮現幾個畫面, 都係以前樹團事奉的片段.
另外又浮現出某年樹團O'Camp長洲某camp site禮堂中的十字架?? (唔知點解?)
總括來講發覺自己活得最有意義的時候, 就是事奉神的時候!
真係好想再次全心投入去事奉.
但係事奉方向係咩? 關顧嗎? 小組嗎? 結他嗎? 籃球嗎? 足球嗎?

我可以嗎?

最後蕭姑叫我地想想情緒低潮等唔等於靈命低潮?
我想情緒低落雖然不等於靈命差, 但係多多少少都會有所影響. 相反靈命差就未必係情緒低落. 因為我現在情緒冇乜野, 但就進入靈命低潮了.

唔得, 我要再次振作, 要復興! 為我禱告吧!

用愛做世界

每逢假期返工, 同事們都會習慣開大收音機, 一路聽一路做. 今日又聽到這個基督教的節目了, 叫做"用愛做世界"呢! 其實都聽過好多次, 但次次都唔記得個節目叫咩名, 今日終於記得了!

雖然其實我都唔係好清楚依個節目詳細的內容講d咩(我好專心地工作ga ma!), 不過我聽到主持人好多時都會講一d鼓勵的說話, 分享自己的經歷, 帶出好多正面的信息, 又會叫人祈禱同依靠神. 而且當中播放的全部都係詩歌, 令人有好舒服的感覺!

雖然我的同事全都唔係基督徒, 不過都好似好接受依個節目呢! 又冇轉台, 又冇話d詩歌難聽o咼! (因為平時佢地一聽到d悶野就立即轉台ga!)

其實收音機廣播真係一個幾好的福音媒介, 相比電視好好多呀! 有時基督教電視台真係幾悶, 莫講唔係基督徙, 就連我自己睇都唔想睇呢! 相反我覺得收音機廣播感覺好親切, 好似聽朋友分享一樣! 好正!

願這節目能讓更多的人信主!

飲野傾計

今日放工後, 突然間想起一個弟兄, 就打左電話俾佢. 咁o岩佢又係荃灣, 就約左係佢屋企樓下飲野傾計.
冇見咁耐, 見佢廋了, 有點憔悴, 原來發生左好多事.
我地傾左好耐, 多謝佢好真的分享.
佢話同我傾左有點得著, haha我吹水好叻ga ma! 不過我想講其實我都有得著呢!
雖然我都好擔心佢, 不過佢一句"恩典太美麗"+從心而發的笑容. 我知道神其實已經係佢身上有所工作, 唔駛我地擔心呀!

用手踢波

冇波踢的日子真係好慘呀! 唯有打住winning 8頂下癮先啦!
踢到隻手勁累呀!!!
想想下~自己近排越來越懶惰了, 好耐都冇靈修呢!
成日話冇時間, 有時間又掛住打機, 真係唔得呀 :<

頭文字D

今晚原本打算睇"強戰世界", 點知未上! 結果睇左頭文字D, 都幾好睇喎!
不過唔知單車可唔可以用"飄移"既呢? :p

聚聚

昨晚同幾個足球隊core食飯, 分享下大家的近況. 大家對前路仍然好迷茫呢! Anyway都係果句啦~"leave it to God!"

好耐見Ocean了, 高興聽到佢工作都幾順利. 不過工作時間唔穩定影響到教會生活又真係幾有問題呢! 都好明白佢的情況, 雖然我叫佢自己要更加努力親近神, 但始終缺乏弟兄姊妹的support又真係好易心淡呢.

傾傾下就已經十一點幾, 又要散了!! 出左黎做野之後, 大家相聚的機會真係越來越少, 每一刻都要好好珍惜呀!

練波

考完試後隔左成個幾月再次投入返教會籃球隊練波. 發現近依兩個禮拜的練波模式好似同之前唔同左, 少了地獄式的體能訓練, 又少了formal的投射同進攻等戰術的練習. 雖然會冇咁辛苦, 而且又多左時間打波, 不過我都係鍾意以前辛苦的訓練多D, 因為我真係好想快D操返FIT自己. 而且分隊分得太散, 如果隊中冇一個帶領的人在場題點, 是好難有進步的.
唔得! 我要進步, 重拾返以前打籃球的信心! 唔想次次都有拖累隊友的感覺!

好, 一於自己返屋企做返100下掌上壓先準SLEEP!

好, 有拖冇欠! hehe......

足球呀!! 好掛住你呀!!! 成兩個幾月冇踢波啦!!!! 掛死我啦!!!!!!

但係......

好多野想做, 但又冇力去做.
好多人想搵, 但又冇心去搵.
好想去愛神, 但又時常犯罪.
好想休息下, 但又不想睡覺.
好想靜一下, 但又好多野想.

舊日記

無無聊聊咁入返去自己舊果本日記睇, 真係好耐冇入去lu, 連login名都唔記得呀! haha!!
好快咁睇返以前的日記, 心裡有一種講唔出的感受.....
原來係舊日記中每一篇的分享都真係好深入, 亳無保留的!
唔知呢? 可能因為冇乜人知有依本日記存在, 我可以放心地寫野掛. 不過其實依度由於我長期都冇留言, 可能大家都以為摺左了, 更加冇人睇啦! hehe!! Mum......又或者果陣時有太多唔開心的野, 就連朋友我都唔想分享, 唯一就只有係果度可以表達我的感受吧!

返來嗎?

好耐無寫野lu~!
唔知呢, 好似冇乜野想寫, 好似好懶咁!
考完應該冇咁忙啦, 點知公司大地震, 震到我個team. 我阿head今個月走完, 另一個同事下個月又走, 佢大部份工作可能要我跟, 真係死緊!! 最慘就係佢d野又多又深, 都唔知點跟! 最好快d請到人代佢就好lu!

依排有個想用依支野
事奉的念頭, 其實團契都有需要呢, 不過唔知弟兄姊妹鍾唔鍾意呢?

未到最後, 唔好認輸!

樹仁團契畢業生歡送會(一)

好耐冇寫日記了，唔知呢，可能前排工作太辛苦，好似休息極都唔夠，冇精神寫野！

不過今日真係唔寫唔得呀，因為真係好重要呢！係今期樹仁團契畢業生歡送會呀！

其實自己一直都好期待今日架，雖然其實同我冇乜關係，我都畢左業咁耐，今期畢業又好熟的又唔係太多，不過真係好想藉著依個機會返去探下大家，見下一ｄ好耐冇見的人，而最重要的就係想去支持一下班畢業生，好想係佢地的最後一個週會係佢地身邊陪伴一起渡過！

結果一放工準時五點半就即閃，俾人炒魷就賴你地班畢業生呀！

其實未入去前真係有ｄ驚，因為話哂都畢左咁耐，可能好多人我都已經唔識，唔知會唔會變得好勿生。點知一入到去就見到好多畢業左的老鬼，比我仲要早已經返到黎！之後再望到一張張熟識的面孔，哈哈，原來我仲識得好多人ga wow！看到每一個的笑容，感覺變得好親切呢！

不過原來我已經錯過左好多人的分享呢！真係有點可惜，早知請假啦！:(

最後總算俾我搶到支咪去講野，但拿起之後又唔知講咩好！因為想同你地講的野，係認識你地的四、五年已經亳無保留地與你地分享，而且相信以後還有好多機會呢！

樹仁團契畢業生歡送會(二)

我想一班在學的，同埋今期的畢業生一定好唔捨得，有些離愁別緒的感覺吧！
不過我想同你地講，其實我畢左業咁耐，都沒有半點離開左的感覺，因為樹仁團契一直都係我心裡面。依一段的回憶（恩典）一直支持我行到今日。另一方面，我與樹團弟兄姊妹的感情一點都沒有變淡，相反更進昇到另一個層次。大家不需要時常見面仍然可以有好好的聯繫，仍然係我生命上有好大的支持。我相信你地今期的畢業生之後都會一樣！

想想下，我畢左業已經四年，原來這四年的畢業生歡送會我都有返去呢！不過可能今次都會係最後一次了（因為細Joe，阿Lin都畢埋業呢！），放心哂！

之後落去渣華道街市愛筵，真係非常非常懷念呢！好耐都未試過咁熱鬧了！三十幾人，坐滿三圍！勁呀！！雖然有ｄ人唔同左（多左ｄ新人，冇左ｄ舊人），但親切的感覺一ｄ都冇變！同以前一樣，掛住同人傾計，周圍走，周圍玩，說說笑笑，俾人食哂ｄ食送！
哈哈真係好開心呀！結果玩到喉嚨痛呢！

喂！今期的畢業生，加油呀！願神祝福你們各人的前路！

復活節

第一次參觀埔浸禮，好鍾意呀！精而簡，完全冇dead-air，正！唱詩「恩典太美麗」時，好感動！眼泛淚光，好采冇人睇到，嚇親ｄ團友就唔好啦！

見到團友仔受浸的一刻真係好開心呀！！！ 願你們的生命活得更精彩！滿有恩典和喜樂！

之後趕去樹團服事組分享事奉經驗，一ｄ都冇預備，都未坐定就要即刻分享，好驚！結果唔知自己講左d咩。不過竟然有人話講得好好？！果然係一個天才呀hahaha！！！多謝Step頂左半粒鐘喎!

晚上祖母八十大壽，祝身體健康！！

恩典太美麗

這天同聚於主聖殿，來數算我主恩典；
他以性命來使我完全、來使我兩眼重見光線！

這天同聚於主聖殿，來數算我主恩典；
他賜盼望重生的泉源，還給我勇氣面對挑戰！

恩典太美麗，無甚麼可取替，
唯求將心全然給主，來彰顯主愛多珍貴；
終生愛神，傾心傾意愛別人，才覺生命沒有枉費！

這天降服於主腳前，留心聽我主差遣；
深信這日勞苦不徒然，神終會賜我榮美冠冕！

衷心去讚頌神極重的恩惠，
獻我一生傳揚福音，來證實主愛何寶貴；

請觀看稻田，主的莊稼在面前，遼闊收成沒法估計！
忠於使命，不惜一切來回應，能事奉你是最尊貴！！

我的救贖者活著

我知道我的救贖者活著，他是永活的主，
當我在深谷迷失時，他領我走正義路。

我知道我的救贖者活著，他是永活的主，
當我在曠野孤獨時，他伴我作我的燈。

我知道我的救贖者永遠活著，我必不再憂慮，
我要在每一個日夜中，領受他的豐盛之愛。

我知道我的救贖者永遠活著，我靈不再沉睡，
當號角響起的那一天，我將見他榮光之面，
我的救贖者永遠活著！

又到復活節了！記得某時某日某地某個崇拜中第一次聽這首歌時，我還感動到流淚呢！

假期

下晝飲茶好開心, d點心好得意, 不過我發現越得意的點心就越唔好味!

之後去左踢波, 一踢踢左三粒鐘, 抽筋tim!

以琳團契

下午接到教會團契一位弟兄的電話，初時都覺得有ｄ突然，因為好似咁耐都未試過有團友打黎搵我傾計！不過都好開心可以同佢分享，結果我地傾左都幾耐，仲講多左野俾佢聽tim，唔得~要殺人滅口了！！！

其實真係好想快ｄ投入教會團契，好想更加認識每一位團友，好想在這裡找到支持及作他人的幫助！雖然可能仲要一段時間，不過我會繼續堅持的，要懷著喜樂感恩的心返每一次團契的聚會！

感謝主賜我這個家！！

擁抱生命

讓我們擁抱生命，
擁抱生命的起跌，
擁抱創造生命的神，
擁抱生命中的每一個神蹟！

大日子

「當將你的事交託耶和華，並倚靠他，他就必成全。」（詩37：5）

神的帶領真是奇妙！
好像做戲一樣！
編劇就是神！

「神呀！你的愛是何等的深！你的恩典是何等的大！感謝你聽孩子的禱告，賜給孩子最好的！感謝你給孩子信心，每一步都是你恩手所拖帶！」

立志：
１．神放首位，愛神更多；每日禱告，穩定靈修。
２．投入教會及團契生活，主動開放自己，尋找事奉的方向。
３．愛家人，努力在家中作好見證。

暫別

心情沉重的一晚。
見面，不懂說什麼安慰。
坐下來，禱告。
聽到場內播著彩虹下的約定，
是的，神一定會守約的！
總有一天會在天家裡重聚，一定！

I cry

.......................

I smile

I smile when I think about the way You turned my life around. I smile when I think about the happiness in You I've found.

心事

已經一個星期沒有寫日記了，可能因為近幾日的工作都很忙，時常加班，沒有時間上網。另一方面，其實自己近日都心事重重，不知怎樣說呢。

冇出色

連續兩晚都睡唔著，是太過擔心別人吧！另外原來我也有自己的事顧慮呢！

昨晚收到考試成績知道自己Fail左！當時我冇乜反應，又冇好唔開心。可能係因為自己一向都冇信心會合格啦！之後我仲同朋友講，我今次唔得咪下次再考過law！好似全完冇事一樣。

不過今日情緒終於作出反應了，原來我心裡真係好唔開心呢！
好冇用呢！只係考一科，仲要是最易的一科都唔合格！用左咁多時間上堂，又請左幾日假去溫書同考試，但係最後都係唔合格！自己已經比其他人遲左三年先開始考試，大部份的同學都考剩一兩科，而我自己呢？連一科都未能合格！好冇用呀！

食午飯時同一位較高級的同事傾計，講講下講到讀書的事，佢又叫我一定要讀返個學位，要考哂所有paper，又叫我去做Audit，之後入Big４．．．．．．唔係好難喎！是嗎？對一些一向讀書好的人來說，讀書考試可能真係好易，但他們始終都不會明白對於某些人來說，就算好努力都未必可以合格呢？不過男仔就係咁，如果唔上進就冇出色吧！當公司裡全部Direct Over自己的人都是女性，作為一個男仔，感覺一點都不好受呢！

擔心

今天一早起身，收到一個壞消息，就是一位好朋友的爸爸患上癌症。對她來說這消息真是非常突然呢！我好擔心她，真的好擔心呢，但又不知可以幫她什麼，我唯一可以做的就是陪伴她，希望可以分擔她的痛苦。
自己少有親人患病的經驗，不知怎樣才能安慰她，對著她也不知可以說什麼，但我真的感受到她的傷痛，我沒有說什麼，我只有在心裡不停的禱告，願神親自安慰。

整天記掛著這事，心裡只有不住的禱告！

歌曲分享

整左成日終於轉左個新的歌曲播放器。

同大家分享四首歌，當中的歌詞都是我的心聲，請細心傾聽。

願作小孩

我實在告訴你們，你們若不回轉，變成小孩子的樣式，斷不得進天國。（太18:3）

有一個小女孩每天都從家裡走路去上學。一天早上天氣不太好，雲層漸漸變厚，到了下午時風吹得更急，不久開始有閃電、打雷、下大雨。
小女孩的媽媽很擔心，她擔心小女孩會被打雷嚇著，甚至被雷打到。雷雨下得愈來愈大，閃電像一把銳利的劍刺破天空，小女孩的媽媽趕緊開著她的車，沿著上學的路線去找小女孩，看到自己的小女兒一個人走在街上，卻發現每次閃電時，她都停下腳步、抬頭往上看、並露出微笑。看了許久，媽媽終於忍不住叫住她的孩子，問她說：「妳在做什么啊？」她說：「上帝剛才幫我照相，所以我要笑啊！」

迎新日

今日參加了公司的迎新Programme, 我返左八個月工竟然仲算新人呢, 好攪笑! 終於明白公司的架構同運作了，原來公司都幾勁架喎!
另外同某幾個新同事熟了，講講笑又幾開心呢！
如果日日返工都可以輕輕鬆鬆就好了！

感動

好感動．．．．．．唔識得回應了！感謝主！

我都要竭力追求神的道，做一個懂得安慰與禱告的人！

恩典

放假最後一日整天在家中休息。整下網頁、看看聖經、看看書、彈彈結他、唱唱歌，又一日了！要同神保持有親密的關係呀！

在這個月中，我同了好多弟兄姊妹分享自己感恩的經歷，分享對工作，感情和生活的看法。發覺自己進步了好多，是從患難中成長吧！感謝主，不停讓我經歷你的恩典，經歷你的大愛！

大浪西灣

今日我、恆恆、細Joe和大E四個人去了大浪西灣行山。其實都不算行山，因為行了半個鐘已經到達目的地，完全沒有難度！之前在網上看過一些相片，原本以為個沙灘好靚，結果好像有點貨不對版呢！一來可能由於今日好大霧，沒有陽光；二來其實個沙灘都幾髒呢，有好多不明昆蟲在沙灘上跳來跳去！之後我們找了一個地方坐下唱詩同分享，感謝主最終都沒有落雨！



哈！原來我們四個組合曾是2001年O'camp籌位呢！結果又緬懷過去一番。講講下又講到對愛情的看法，有人唔明喎，結果三對一勝利！haha！分享的時間過得好快！唔夠喉喎！希望下次再有機會啦！

與主同行

下午又一個人去海濱退修，行了好遠好遠。一路行一路與主談話，沒有半點孤單感覺。
心裡突然想起某人的一句話：簡簡單單，快快樂樂，愛主愛人。
也是我所想的生活吧！

行了一段時間，又走到老地方坐下，看了幾篇聖經。腓立比書呢！

你們要靠主喜樂．．．．．．你們要靠主喜樂。．．．．．．你們要喜樂．．．．．．

嘩，近幾日的靈修都不停看到“喜樂”兩字！明白了！我要靠主喜樂！

應當一無掛慮，只要凡事藉著禱告、祈求，和感謝，將你們所要的告訴神。神所賜、出人意外的平安必在基督耶穌裡保守你們的心懷意念。（腓4:6-7)

將你們所要的告訴神吧，唔雖要想太多呢！不過好難呀！

老毛病

同教會團友去導師屋企燒野食，好多人，好熱鬧。
不過．．．．．．
我要繼續努力！加油呀！！！
_______________________________________________________

另外，近日想得太多了！

要乜都唔好想！只想神的道！加油呀！！！

生命的道路

你必將生命的道路指示我。在你面前有滿足的喜樂，在你右手中有永遠的福樂。（詩16:11）

願妳永遠有著喜樂的生命，見證神無限的恩典！

口舌笨絕

同人開聲禱告，竟然講了一堆廢話，連自己都唔知自己講緊ｄ咩，完全俾唔到支持！
好冇用！

年初二

親朋戚友共聚一堂熱鬧非常，
和表弟表妹說說笑笑又過了愉快的一天。

但強烈的節日氣氛卻觸動了自己內心的孤寂。

對神有信心~對自己完全沒有信心！
可以怎樣？

大年初一

行山好開心！

彈彈彈

拿起結他不停地彈,
不停地唱詩,
彈到手指腫痛,
內心仍然不能平靜!

向左走、向右走。

遇見

聽見冬天的離開，我在某年某月醒過來。
我想、我等、我期待，未來卻不能因此安排。
陰天、傍晚、車窗外，未來有一個人在等待，
向左、向右、向前看，愛要拐幾個彎才來。
我遇見誰，會有怎樣的對白，我等的人，他在多遠的未來，
我聽見風，來自地鐵和人海，我排著隊，拿著愛的號碼牌。
我往前飛，飛過一片時間海，我們也曾，在愛情裡受傷害，
我看著路，夢的入口有點窄，我遇見你，是最美麗的意外
總有一天，我的謎底會解開．．．。

畢業生組

相隔多月，今日終於開了畢業生組。感謝主讓我們有這個機會可以有好深好深的分享。

由樹仁團契開始相識至今已有７年了，各人各方面都有好大的轉變。進入社會後生活的壓力令人透不過氣，大家所面對的困難越來越多，背負的重擔也越來越大。但感謝主讓我們有這班同路人，在患難中互相支持幫助。在同一個背景下成長，更讓我們能夠明白對方，更能分擔彼此的痛苦。

聽過大家的分享，心裡十分擔憂。但我相信神一定會保守你們，就像保守我一樣把你們從黑暗的丘谷中拯救出來，勝過一切的困難阻礙，生命再次充滿喜樂。

「但那等候耶和華的必從新得力。他們必如鷹展翅上騰，他們奔跑卻不困倦，行走卻不疲乏。」（賽40:31）

我會不停的為大家禱告的！

之後同Elsie一起搭火車回家，發現原來我倆都很久未試過兩個人談天呢！分享中最令我們擔憂的仍然是智輝呢！

送這詩篇給你，我記得這是你好喜歡的一首詩歌，願你能重新得力！

我的幫助從造天地的耶和華而來。他必不叫你的腳搖動，保護你的必不打盹。保護以色列的、也不打盹、也不睡覺。保護你的是耶和華，耶和華在你右邊蔭庇你。白日太陽必不傷你，夜間月亮必不害你。耶和華要保護你、免受一切的災害，他要保護你的性命。你出你入、耶和華要保護你、從今時直到永遠。
（詩121:1-8）

超時工作

以為年頭會好d, 結果今個月都係咁惡頂! 又OT左成個禮拜, 又做到零辰三四點! 發覺原來今日可以十點半走已經好開心呢!

希望快d到假日啦!!!

禱告

晚上找了弟兄傾談，彼此有好深的分享。享受在雨中一起禱告！

下午一直記掛的一件事，好想為這事代禱。晚上終於忍不住打了電話關心，好開心能在電話中彼此禱告!
不過對不起呢！其實不應該找的，太突然了吧！對不起！

其實可以默默代禱的．．．．．．

活得更精彩

原來神喜悅的不是一個人獨自的敬拜，而是弟兄姊妹合一的敬拜！感謝主，讓我對崇拜又有新的體會！

好開心祟拜後又見到這人，又可以一齊吃飯，加埋自己新團友，組合好特別。不過自己始終都是被動呢！性格吧！

整個下午禱告，靈修，讀經，唱詩，直至彈斷了結他線才停下。

忘記背後，努力面前的，向著標竿直跑，要得神在基督耶穌裡從上面召我來得的獎賞。（腓 3:13-14）

「昨天」已永遠逝去，「明天」或永遠不會到來。我們最重要的責任是活好今天！認清存活的目的和意義，踏實地去生活、工作、學習、歡笑、承擔和愛。

我們要活得更加精彩！

渴慕神

明天又都要返工埋數，好大機會要加班,
但好想返教會，希望有奇蹟啦!

期待每星期的崇拜，近來心裡好像越來越火熱呢!
感謝主！

神的話語，就是生命！

叫人活著的乃是靈，肉體是無益的。我對你們所說的話就是靈，就是生命。（約７：６３）

愛人不可虛假。惡，要厭惡；善，要親近。愛弟兄，要彼此親熱；恭敬人，要彼此推讓。殷勤，不可懶惰；要心裡火熱，常常服事主。 在指望中要喜樂；在患難中要忍耐；禱告要恆切。聖徒缺乏，要幫補；客，要一味的款待。逼迫你們的，要給他們祝福；只要祝福，不可咒詛。與喜樂的人要同樂；與哀哭的人要同哭。要彼此同心；不要志氣高大，倒要俯就卑微的人。不要自以為聰明。不要以惡報惡；眾人以為美的事要留心去作。若是能行，總要盡力與眾人和睦。（羅１２：９－１８）

感受不到踢波的喜樂

踢完波回家，發覺隻腳好痛！
今晚同自己人踢波竟然都會被人踢了好多腳！
對方竟然沒有意思道歉，使我好生氣！
自問沒有踢佢報仇，只是更認真的比賽！要以技術取勝！

說真的今晚完全感受不到踢波的喜樂！

但多謝弟兄的電話關心！

數算神恩

今日放假，下午一個人去了海濱公園退修。由於這地方太多人經過，一直安靜不到自己的心，讀經也沒有很大的得著。但突然在聖經中找到一封Junko的信件，雖然已是四年前的信件，每段字句仍然觸動我的心！其中的幾句更是我最近的領會：First of all I have to love myself...... I can do something because I am......要學習愛自己，如果連自己都不懂得愛又怎樣去愛其他人呢！

之後約了政輝吃飯，畢業後我們都未試過兩個人單獨傾談了。原來我們兩人近期都不停經歷神的恩典，真是感謝主！最後我們還一同禱告~好正！

路~分享

沒想到懶惰的自己又再一次可以起床返早堂祟拜。開心能夠倍伴弟兄左右，雖然聽的道是一樣，但領會的卻有不同！

很享受能送弟兄的一程，享受這短短的分享。知道他與神越來越親近~真是感謝主！我也一樣呢，每天都經歷神的恩典！

吃過早餐，與另一個人行上同一條路。同一條路，不同人的分享，不同的感覺！好開心可以與她分享當天感恩的經歷，希望往後的日子都能於主內分享更多！

感謝主讓我認識到好好的弟兄姊妹！

豐足的一天

祟拜中再次重溫十誡的信息，當中原來自己有很多不為意的過犯，求主赦免！

再次看到台上一個熟悉的面孔，正當懷疑自己認錯之際，一個笑容解答一切，感謝主。

第三次返團契，主題雖然是認罪悔改，但我返而學習到心存謙卑呢。完了後突然被姑娘問到這團契有甚麼好？想了良久，仍然好像想不到呢！因為吸引我繼續返的不是團契，而是相信這裡是神的預備。不過其實我也很喜歡這裡團契的模式！每次都用不同的形式帶出不同的信息，感覺幾新鮮！

感謝主！整天都經歷主保守及帶領！禱告也越來越有信心與力量。

分享代求

昨天禱告突然想起一位一直好想去關心的弟兄，今日終於約了他吃午飯。好享受這短短一個半小時的分享。但當聽到一些突然的消息，心情變得非常沉重。他現在所經歷的與我之前所經歷的非常相似，知道他現在所面對的困難、所背負的重擔絕對不輕！雖然他沒有愁眉苦臉，但這樣更令我擔心呢！
始終不太懂得安慰別人，只能為他默默禱告！我相信神會好像醫治我一樣，醫治他的傷痕。神必定有最好的預備！

屬靈導師

下午同惠龜吃飯分享, 很好讓我有反思的機會.
信仰方面: 終可放下樹團的影子重新上路, 自食其力了!
個人方面: 自己還有好多不清楚自己的想法, 但堅強了!

多謝提醒!

恢復

病足一星期終於痊癒, 今晚一次過吃回幾天的份量~好飽!
病的時間好像過得特別快, 轉眼又過了一個星期呢!
之後幾天的假期一定要好好利用, 不可再浪費!

結他的呼喚

心裡突然有彈結他的衝動.

拿起了便放不下!

但已經生疏到連一首完整的歌也彈不到嗎?

可以嗎?

病入膏肓依然想著童話故事.

無理的要求可以擺上禱告嗎?

明知沒有可能仍然可以祈求嗎?

繼續病

昨天起床完全吃不下早餐.
下午終於吃了少量的白粥 (終於吃得下東西了).
堅持去練姊妹的婚禮詩 (縱使沒有氣唱歌).
好想同大家吃飯但迫住要回家休息.
好累好累, 但又再整晚不能入睡.

今早身體仍然不適, 但繼續返工,
食過午飯, 終於被同事發現, 趕了回家睇醫生.

一直都不喜歡看醫生, 不過請了病假就被迫要看了!

病倒了

連續捱夜加班身體仍然頂得住,
不過面對嚴寒的天氣始終都要屈膝!

昨日朝早一起床已經覺得身體有點不適.
中午以為落街行一會可以精神些,
誰知行了一會已經頭痛腳軟.
回家休息睡了三個鐘都未見好轉.
下午五點仍然堅持返崇拜.
崇拜中不停冒冷汗, 差點倒下.
之後完全吃不下晚飯.
吃過止痛藥後堅持返教會團契.
感謝主在團契時身體情況好轉.
不過回家後成晚胃痛,
從未試過痛得這麼利害,
痛至在背部甚至全身各部份,
完全不能入睡.

距離

看得見的距離原來可以好遠.

期望、

失望.

愛一個人

蘇聯名小說家杜斯妥也夫斯基（Dostojewsky）的名句：「愛一個人，就是體察到神在這個人身上的旨意，並且從這個角度去看待他。」

食死貓

原本手頭上的工作可以慢慢交, 仍努力的留在公司做完才走. 反而被人一句沒有心的說話擊中. 其實一直都知道自己唔夠smart. 但我想現在同事看我可能更差.

"阿姐"一定覺得我今個年結表現好差, 錯好多好簡單的東西! 但其實是新同事做完的report沒有給我review, 就交了給他呢! 都唔知怪唔怪佢好, 其實之前一早有講過今次埋數我會幫手review他的幾間公司. 誰知他做完後, 完全沒有打算給我review就交了! 錯了好多唔應該錯的careless mistakes. 最後"阿姐"看完就叫我改, 當了是我做錯, 結果白白食了死貓又無法出聲.

不過自己因為忙著幫了其他人做事, 反而沒有留意自己的責任, 就是自己的錯吧!

差勁

工作不太順利!
每天又是被人提點, 覺得有點不是味兒.
還是被看不起? 自己已盡力仍然做不好.
已經返了半年不可以甚麼都不懂了!

雖然不開心, 但與神仍然親近!

感恩

今日終於嘗試返了新的團契.

之前經過反覆思量及禱告, 自己已有了決定, 轉到一間返了多年崇拜的教會. 不過由於在這裡沒有熟人, 一直都不知怎樣. 恐怕自己一個人走去會怪怪的. 所以一直未敢嘗試.
今日在這裡的週六崇拜中, 神又再次觸動我返團契的念頭.
於是我禱告求神給我信心的印證, 我說如果今日在教會中有人問我的名字, 我今天就返團契. 想不到在崇拜的完結前, 主席突然叫各人問下自己身邊的弟兄姊妹的名字, 結果真是有人問我的名字!
雖然感謝主, 但心裡仍然害怕, 於是我又禱告說如果往後的時間還有人問我問題, 我就相信這是主旨意. 再次想不到當我預備回家, 步出教會不久, 時突然間有一個人拿了一本書問我要不要! 又一個信心的印證!
因著這兩個印證, 吃過晚飯後, 我一人個戰戰兢兢的走入教會. 我在門口見到一個嬸嬸, 就問她有關團契的事, 可是她對團契的事很不清楚. 之後我又打算問下這裡的傳道人, 誰知原來他們已經走了, 使我感到有點無奈. 正當我回頭想走的時候, 突然間遇到一位姊妹, 她主動的問我有甚麼需要幫忙. 由於她是大專團契的, 所以幫我問其他人有甚麼團契適合我, 結果知道有一個職青團契. 之後她又帶我到教會的另一座建築物去這個團契, 還倍了我一段時間才離開. 雖然她已經遲了返自己的團契一個小時多, 但仍說不緊要. 使我十分感動!
突然間想起Elise, 當年在樹團生活營中第一次令我好深刻的感受到弟兄姊妹的愛的情境!
在這位姊妹身上我看見到基督的生命.
感謝主! 聽我禱告, 又多次的顯明, 還預備你的僕人伴我最徬徨的時候!
雖然團契還雖要一段時間適應, 但已是一個好的開始了.
願我可以開放自己的心. 不再築牆!

屋企

昨晚以為可以好好睡返夠, 誰知屋企又發生了事!
好生氣, 仍努力控制自己情緒.
冇道理可言, 冇野可以做. 這樣子, 始終有一日會出事.
今日一早講了應講的野, 做埋d手尾.
憤怒冇影響我, 原來自己EQ唔錯是一直係屋企訓練的成果.
但今晚希望不會continue, 只想好好訓一晚.

又破紀錄

連續兩日加班做到零晨三點幾, 完全好似冇休息過一樣, 好累!
不過工作確實可以令人冇時間唔開心, 有時甚至俾得閒還好.
活像一頭機器,不知何時壞死呢?

同一星空下

好開心呀, 今日終於收到一份我以為再也收不到的禮物!

來自日本Yuko的聖誕咭! 遲遲未見到來信, 還以為已經失去聯絡了!
由EARC到現在相隔已經4,5年了, 仍然可以保持聯絡真是非常難得! 最難的就是我地係EARC不是同組的, 只有出trip同兩次食飯傾過下計. 想不到同組要好的弟兄姊妹以經失去聯絡, 但仍然可以同佢保持聯絡!

每次收到來信就好似收到主的禮物一樣, 雖然字句不多, 但愛同溫暖卻是無限!

相信在日本做基督徒一d都唔易, 但他仍然堅定不移!
雖然我們不同種族, 不同語言, 但我地信的是同一個主.
"我們愛, 因為神先愛我們!"

感謝主賜我一個遠方的同路人, 在同一星空下可以互相支持代求!

鬥志唔可以輸

今日在籃球比賽終於取得入球, 在第三節連取得10分, 但仍然大比數落敗!
自己入球唔係好記得, 反而好記得自己炒左兩球快攻走籃!
技術不再, 但隊友依然好信我, 交俾我取分! 多謝~總算冇令大家失望!

賽後大家都有講下之前的比賽, 弱點多到講唔哂.
我地陣容, 冇射手, 冇身材, 冇籃板, 冇隊形, 乜都冇!
不過我地有的係"鬥志",有邊隊一開始已經輸十幾分仍然好似我地咁一路都冇放棄, 去到最後一分一秒, 仍然不惜氣力全場緊迫釘人!

係呀"乜都可以輸, 鬥志唔可以輸!"

多謝古巨基

基仔得男歌手金獎~感動, 竟有同感!

多謝你的"愛與誠"伴我最傷心的時候.

其實自己一個更開心　只等你講
其實大家早已嫌大家卻扮忙
恨有多一點碰撞　仍然無聊事幹不敢打攪對方
要是你願意　誠實講一趟 彼此都起碼覺得釋放

不要哭　我也忍得了這些年來的委曲
沒法真心愛下去　只好真心真意的結束

別再做情人　做只貓做只狗　不做情人
做只寵物至少可愛迷人 和你不瞅不睬　最終只會成為敵人
淪為舊朋友　是否又稱心 沒有心　只像閒人
若有空　難道有空可接吻 註定似過路人陌生　
你怎麼手震

終於挨過這年

不敢回首, 不敢展望.