今日教會的三人籃球比賽, 我隊得兩個黎到, 其中一個我更是傷乒.
雖然其他的隊伍唔夠人會請窗 (搵冇報名的人幫手), 我同Bryan都堅持唔破壞犯規, 寧願兩個打三個!
最後結果......21:23只係輸兩分(估唔到吧?!) 其實我地覺得我地應該係羸的, 因為球證好多好明顯對方的犯規都冇吹 (打完之後我倆都傷痕累累), 連出面計分果個都睇到, 話我地輸得唔低! 真係唔忿氣!!!!
不過雖敗尤榮呢!!
自己今日打得幾好, 都入左十幾分, 幾球走籃唔入其實都係俾人拉住犯規的(球證又冇吹)!! 不過有兩球罰球都唔中, 如果唔係就可以追平!
多謝Bryan怕我再傷, 寧願自己一個係籃底搏殺, 好欣賞佢不停被人犯規都冇燥!
感謝主冇再傷, 打哂全場都冇事!
3 則留言:
小強加油!!
我今日本來黎左打氣,不過...一個人又唔敢入去(因為咁遠,一個人都認唔出),只企響門口幾分鐘就離開左...哈哈!
下星期啦!!下星期日黎同你打氣!!
努力呀!!
小強：
成日見你話打波，都未親身目睹過呢？
有機會都要嚐嚐當睇"展覽"咁去參觀?先！
嘻....^_^
慧玲,
一個人都認唔出?! 我大大個係度喎!果然妳只係諗住去睇靚仔吧! ><
下星期日我隊要打三場比賽, 黎打氣啦!
不過到時我隊齊人, 我都應該係大後備呢, 同妳一齊係場邊打氣啦!
保留,
唔係嗎? 睇"展覽"咁去參觀??......
我幾時做左展覽品架?!
發佈留言