黃廖聯婚

2006年12月23日. 今日係海靖與秀汶結婚的大日子!

海靖是我最close的弟兄, 秀汶也是我最好的知己, 他們倆人都是我生命中好重要的人.
好慶幸自己在他倆相識, 之後拍拖, 已至今日結婚都能夠一直在他們身邊見證住這一段感情!

結婚前一天, 幾個兄弟深夜上阿靖屋企為阿sehp慶祝生日, 一齊商討明天綁架姊妹的計劃.
雖然唔係自己結婚, 但係都興奮同緊張到訓唔著, 成兩點幾三點先能入睡, 第二朝一早五點幾就起身了.
十個兄弟一早到靖家集合出發搶新娘. (其中有樹仁的阿基, 基舜, 其偉, 阿seph)
結果由於無人能擋的"朱朱"出現, 綁架"華鈺"的行動切底失敗!
不過我地一班兄弟黎一朝反客為主, 主動要求玩遊戲, 成功換來一班姊妹的大讚!

由於要做統籌, 整天都好忙, 好緊張! 不過真係好開心可以在他們的大日子中出一分力!

婚禮中看著他倆......想起好多好多與他倆一同經歷的片段, 好感動......我也哭了出來.
海靖的一首"為妳鐘情"也成為我這幾天心裡常哼著的歌.

看到一班樹仁的弟兄......深厚兄弟情......好難得......感謝主!

樹仁大學

好開心, 好感動! 雖然升格其實對於我們畢業已久的人沒有太大幫助.

但是對於多年艱苦經營的校監和校長可謂最大的安慰!

大好了! 他們付出沒有枉費!

TVB新聞


CableTV新聞


樹仁大學校監胡鴻烈題字


校監&校長的故事

Interviewer

今日去左Interview, 不過唔俾人in, 而係去in人!
俾人in就試過好多次, in人都係第一次.
第一次當然有d緊張, 好似仲緊張過見工果個:p, 真攪笑!
結果1 take過, 決定請佢. 佢係一個比我大又做左好多年野的人. 其實原先我想請個flash d, 昨日原本都有一個約左interview, 不過最後冇黎. 結果HR得返一個俾我, 冇得比較. 不過今日in佢時, 覺得佢都幾有誠意, 對佢之前的工作經驗都有d同情. 我始終對人都係冇乜要求呢~haha!
不過而家又有d後悔, 因為如果唔請佢, 等多一兩個人apply, 可以有多幾次in人的機會呢! 苯左(><)!!!

聖誕咭

好懶的我今日終於寫左兩張聖誕咭.

一張寄俾日本的姊妹Yuko. 我同佢差不多兩年冇來信了, 唔知仲係唔係依個地址呢?! 真係好驚佢收唔到, 好怕以後大家失去聯絡.

另一張想寄俾一個好耐冇搵, 但又成日掛住的弟兄. 不過當我寫完張咭, 打算寄時才發現原來我冇佢地址呢! 其他人又冇, 問佢又好怪, 因為我真係想俾個驚喜佢呢! 點好?!

Disney

影哂所有目標人物
玩哂所有遊戲
睇哂所有表演

任務完成!

11月12日

上上返崇拜時竟然見到好耐冇見的Leo,
其實昨晚我見到籃球隊時我都想起佢.
可以同佢傾左一陣真係好開心!

下午職員祈禱會, 感覺好好!
好開心, 竟然收到上宛的聖誕禮物! 我會好好利用的!

晚上同友叔出去灣仔踢波.
原本諗著唔齊人都幾惡打, 不過原來對手仲唔齊人呢!
相反其實我地今日我攻力都幾強, 有阿ray同狀態好fit的阿嫂.
估唔到大部份人第一次夾都夾得唔差, 踢得好順, 輕輕鬆鬆咁大勝!

友叔久休復出即刻有波入, 不過明顯不在狀態.
得15分鐘體力的佢踢左2個幾鐘都仍然可以企係場度都算係咁 (雖然佢真企係度唔郁!!!:p)

我今日都踢得唔係咁好, 始終隔一排冇踢都有d影響.
入左3球都算係咁 (有1球係烏龍呢~haha!)
有一球推右走左過左個中堅, 再勁射入網!!!
我都估唔到過得咁靚!! haha!

11月11日

下午出太子交貨.
海靖, 大頭, 芝芝, 我一齊食tea.
期待12月23日.
不過竟然做總負責人, 有壓力!

晚上去左啟明婚宴,
見返一班好耐冇見的籃球隊隊友真係好開心, 好掛住佢地!
其實好想同佢地打波, 不過膝頭有傷, 放工又累,
真係應付唔到咁劇烈的訓練呢!
唔之仲有冇機會可以同大家再聚聚呢!

又一週

11月4日

清水灣補祝芝芝生日














11月5日
去了New York十多年的肥昌回歸香港.
昔日老死小麒, 阿西一齊打邊爐, 傾到成點先肯散.

11月6日
播道神學院上團契職員訓練課程, 其實第一堂的內容冇乜驚喜, 不過都係一個好好的機會讓我地幾個職員有更多相交呢!

11月7日
記住要去買波子呀!

11月8日
朝早去考牌, 結果路試肥左! 真係好唔開心, 因為我一路架都覺得架得好好. 但係個考官竟然話我某個彎犯錯, 又話d咩又話d咩. 我到而家都唔覺得我有犯佢講果d錯, 真係好唔忿氣, 我真係覺得佢想fail我就fail我. 激氣!

晚上芝芝架車竟然被人偷左, 好慘!

喜事重重

10月26日
海靖牛一

10月28日
Leo & 小明婚禮





















10月31日 Halloween
曉芝生日

不悅

無奈
心情跌進谷底
心裡還不停閃著那不悅的眼神
叫我怎去面對他們
我沒有做錯甚麼
不悅是我這個人
哭了
其他的人還可置之不理
但他們叫我怎能不理
心痛

四六

星期四係銅鑼灣與Kannes迎面而過, 兩年半冇見了, 唔知佢近況點呢?
想起當年離開宣基時的片段呢!














星期六團契職員會選舉, 正式做職員了, 突然感到有點壓力.

好耐冇做組長了, 回想昔日對人工作所耗的心力, 現在還可再有這樣的力氣嗎? 樹仁的一套又可否帶到教會呢?
知道嘉麗會是自己組長的partner, 心裡第一個反應是"最好不過的" haha!

另一方面, 籌組敬拜小組是自己新的嘗試, 之前一直都沒有這方面的經驗. 遲d一定要搵恆恆俾俾意見先!
不過相信要夾大家一齊練習的時間, 才最大的問題.

擔心都冇用, 將一切交俾神啦!

上個週未

有人第一次玩吹膠.



影快相


我第一次去青馬觀景臺


好靚的夜景

把握

今日踢波幾好玩, 兩隊自己換人, 比起三隊輪住踢流暢得多!

不過有d怪自己打得唔好......

今日大部份時間都打前, 其實覺得個位置都幾適合, 走到好多靚位.

不過始終都係埋門果下差d, 浪費左不少機會.

起腳好多, 但係都係入左一球頭搥, 單刀又射得太正.

幸好都有兩球助攻.

唔知呢?! 雖然今日又唔係輸波, 不過浪費左隊友制造的機會, 始終有d對唔住大家的感覺.

下次真係要好好把握呢!

樹仁團契畢業生營

個camp真係好開心呀! 有好多精彩的片段呢......

沙灘放大火!

一朝早起身同阿恆不停唱詩唱, 好正! 不過攪到聲都沙哂!

原來"捉老鼠"遊戲最難玩係忍笑, 不過阿麟實在太攪笑了, 點忍!

L先生"股神"的稱號果然唔係浪得虛名!


Bonnie, 華鈺預備的晚飯好好食, d湯好好飲! 細joe原來唔係只係識食, 識得炒野, 勁呀!


第二晚詩歌分享會好warm! 細姨用"好舊"黎形容大家, 又幾貼切呢, 因為大家一d都冇變, 感情"歷久不變"呢!!

好鐘意同大家一齊唱詩歌......好好聽呀!


同其偉, 華鈺, 高超一齊jam歌! 三支結他+一個口琴, 勁呀!


一齊陪"乖仔"華鈺過生日!


大家再一次證實左打機點樣荼毒一班"有為的青年"......

雖然好累, 因為兩晚都冇乜點訓. 不過精神上真係好滿足呢!
記得去camp前自己心情不太好, 而家就好到爆哂燈呀! 感謝主!

同你地一齊真係好好好開心呀!

p.s.

有相睇! http://www.fotop.net/skeung/syccfcamp

有片睇! http://hk.im.tv/vlog/personal.asp?memid=4154

CAMP

可能連續幾日冇假放又ot, 個人好燥.
同基舜傾個camp時, 竟然亂講野.
我自己真係好唔o岩, 將個波推左俾佢同anderson.
其實佢地都好忙, 已經為左個camp做左好多工作.
我不但冇感謝, 而且仲要冇體諒. 真係Sorry呀!
幸好心裡即時題醒.
多謝基舜同我分享!!!

唉

昨晚又睡得不好, 今日膊頭同脛都好痛!
但整天工作都好忙好多野做, 根本冇時間休息.
下午終於忍唔住食粒panadol止痛.
有d好轉, 不過心情勁差!

幸有位小見的best firend同我msn, 讓我可以輕鬆一下!

好想去旅行!

好想去旅行!

生活乏味

近來真係越來越少動力寫日記,
唔知呢? 其實都有好多野可以寫,
不過又唔想寫.
想分享的事唔多.
每日都唔係好想返工,
好想放假抖抖,
不過到左放假時又唔知做咩好.
......點好!?!

踢波啦

踢波前去買鞋, 試落好似o岩, 買左之後先發覺原來買細左1碼.
開頭都冇乜問題, 不過踢左一陣d腳趾已經好痛, 之後仲爆哂水泡, 真慘!
冇計, 難得可以踢波, 痛住踢都要啦!

今日放飛機人數又創新高, 下次唔該真係黎先firm啦!
攪到開頭唔夠人, 要join街場d人一齊踢. 同唔識的人夾真係唔係咁好玩.

換換下臨尾終於可以同自己人一隊. 三劍+基舜真係幾好夾又好玩!
基舜真係轉型變左後防, 攔截好好, 加上射波唔準, 好明顯係後防人才!

之後同街場的人踢, 結果輸了幾球. 冇計啦! 我地踢左成兩個鐘, 好累, 又抽根, 腳趾又痛.
見到立青有d唔氛氣, 我都想幫手踢好d, 不過真係有心無力.
下次好氣好力去跟佢地隊, 我覺得一定有得打!!!!

我生

近來工作開始越來越忙, 要take up的野多左, 責任大左. 想休休閒閒咁過日子都幾難.
之前看到弟兄姊妹對工作的分享, 其實自己也有很大的同感.
自己也好怕想前途的事.
不過 人 就要面對現實....無奈!
要開開心心去享受工作, 是每天學習的課題.
每天我也為此禱告.

我生 <古巨基>

最初睜大眼睛　看到身影不懂應
然後我　大笑大喊不停　旁人極高興
是我首次能任性　似想畢生的眼淚
要盡快哭清　也許感到在世間路程
全是山高水深的險陘

人其實怎麼長大　怎麼懂性
有那位必須尊敬
為何要說話無權大聲只聽指令
為何事值得恭聽

哪個教曉我　是甚麼叫做友情
何謂傾出致誠　我何日乍醒
終於懂得愛情　暗裡喜歡性
趣怪得要命

最初哭了便誕生　已很想去問大人
誰令我在這世間光臨　從來未應允
為哪種意義降生　我該開心抑慶幸
每日每天等　到終點以後我的靈魂
還未知可會再踏紅塵

人其實怎麼長大　未必懂性
已說靠英文取勝
為何要我學明朝歷史便會聰明
學完甚麼懂感性

哪個判決腳踏到最快會盡興
怎麼有需要　與我隊友爭勝

其實為甚麼長大　甚麼保證我
有競爭的本領
曾也想過能做甚麼活得光榮
令人值得尊敬

我也算生性　但甚麼叫做世情
難道一生旅程　要連續晉升
找到錢找愛情　我會否心領

團契開會

星期日團契開會. 大家都講左團契的問題.
有d suggestion, 週會內容又有d改動.
我冇乜出聲......唔知呢......始終覺得有d問題......
不過我想左好耐, 又唔知點講......結果只有沉默......

明明講到到大家都知道最大問題係咩 (團友的關係唔close),
點解d改變 (其實好似只係多左查經同敬拜祈禱會), 又好似同個問題冇乜關係呢?
週會後分兩組祈禱改成三個人祈禱又有咩大的分別呢? (唔深入就始終唔深入架啦!)
咁樣咪更加冇左團契的意義......(團契係指全部人, 還是三個三個分開哂呢?!)
可能會更散.......
好的團契其實係可以全團都好close的.
回來的人、新朋友仍然會冇人主動關心......
上次講員用"儐儀館"來形容我們, 就是我們一片死寂的感覺.
怎樣才能令大家享受團契的生活?
怎樣才能興起大家的心?
怎樣才能有家的感覺呢?

點解唔係講左d問題就base on返d問題去解決呢?
咁大家講左咁多問題有咩用.
傾左咁耐都唔知為咩?!
有d失望......

前兩日

星期五
同恆恆食午飯.
分享好開心!

星期六
同芝出左沙田成日.
晚上到同基上靖新屋睇英格蘭vs魚腩隊.
結果英格蘭大勝5比0.
靖屋有now睇真好! 以後唔駛四處搵bar睇英格蘭.
不過"黃興桂"旁述真係好唔得, 都係有線好d!

多少

忙完一輪,
真係好累.
終於有時間休息,
但心情仍是煩躁不安.

四圍看看.
第一次去到某人的日記,
每篇日記都唔係咁開心,
但文字間仍有神在當中.
自己不禁問一問自己,
神又有多少時間在我心中呢!

擔心

經過一段休閒的時間, 又要開始忙碌的工作.

由於job rotation的關係, 開始會越來越新工作要handle.

手頭上有好多唔係好識做的工作要做, 真係有d擔心.

請代禱, thanks!

組仔

昨晚一位好耐冇見的弟兄搵我傾計.

佢同我分享左好多野.

多謝佢對我的信任!


其實對住每一個以前的組仔,

仍然好似有一個組長的責任係度咁呢. HAHA!

攪波真難

踢波前同高超, 阿臣, 阿基一齊食飯, 講開大家隨著年紀增加, 要開始轉型. 阿臣話我要由體力型轉為技術型!
o下! 乜我一向唔係技術型架咩?! o(><)o ~haha!

今日踢波好似冇咁好玩. 可能太少人到. 太多新人好難夾.

而且天氣真係好悶熱, 一滴風都冇! 大家踢左一陣已經企哂係度, 波都唔係點追呢!

著波boot踢波始終唔慣, 推波"luck"哂腳, 傳波射波又唔到位. 腳底水泡好返後, 都係著返"白飯魚"好d.

而家約人踢波真係越來越難, 搵過超過廿幾人, 仲要friend搵friend, 又係好辛苦先有十個人踢. 以前......多人到要cut, 現在......真係有d失望! 咁難得先book到場, 但係又冇乜人踢......唉!

不過多謝高超完場後的一句好支持的說話! \(^o^)/

為左大家有波踢, 辛苦d都算值得啦!

第一名

上次講過公司埋數要計分呢!

今日成績公佈, 結果......"No.1"呀! haha!

好開心呀! 原來只有果條late adjustment扣左分, 其餘都滿分呢~好野!

FC即刻send email congratulate, 又thank you我地的hard work.
不過最尾都要加一句 the quality of information still need more improvements呢......都話佢要perfect架啦!

入球SHOW

更多精彩入球請到以下網址:
http://hk.im.tv/vlog/personal.asp?memid=4154

多謝"最雞攝影師"芝芝提供入球片段. 係我地廿幾球入球當中竟然捕捉到四球咁多, 更是大家意想不到的, 真是奇蹟!!!!

情緒逼人來

又來了, 點攪!?

再戰石鼓壟

好開心, 等左咁耐終於有得踢波lu!
以琳同樹團一齊踢波都係第一次, 真係幾好玩呢!

不過有好多人放飛機攪到冇人換~激死!
唔黎都算了, 起碼都打個電話黎講聲啦!
最激氣就係打極電話都搵唔到人果隻~好, 一於bad list佢!

兩劍細場發揮威力, 互相撞牆好夾. 不過基舜就仍然狀態不足......仲要"散"我要害......痛死!

有叔一前, 家明一後, 都幾難對付. 不過咁先好玩呢! 下次可以多d同以琳夾下......要搵果隊報仇呀!

冇人換, 踢左個幾鐘好似踢左好耐咁! 死~隻腳爆水泡好痛, 星期日希望踢到啦!

開戰(二)

因為條"友"講極都唔明, 我地finance決定稱佢為"火星人".
其實"火星人"係新黎的, 以為自己係manager就好叻, 攪到d野亂哂, 仲要死撐. 以前舊人provide開的野, 又唔肯provide. 係度玩野!

一朝早打電話俾"火星人"問佢有冇時間, 等我同阿姐一齊落去同佢傾幾句. 佢打死都唔肯, 又話好忙冇時間, 又話冇需要再傾, 講左一大堆廢話...... 我當然采佢都傻, 問佢:「咁幾時得閒d呀?」 佢話五點先得閒. 好, 等妳又如何!
下午兩點, "火星人"打黎又講一大堆廢話, 又話唔想傾, 廢到唔知佢講咩tim, 總之好似街市師奶"發難渣"咁. 我阿姐立即過黎幫手開火."火星人"仍然不停死撐! 激死阿姐!
之後fc教我地拉埋大老細落水.
阿姐特登send email cc俾大老細.
大老細即刻打俾fc問:「你地點解要一定要佢provide果d野呢?」
fc好串咁話:「冇依d information點做呀? 邊個control呀? 佢話fc都唔夠高級get依d information喎. 咁以後下下都要你去問佢架喇!」
大老細好驚咁話:「嘩~你地嫌我唔夠多野做咩!」
之後大老細叫fc落去火星開戰.
fc冇幾耐就上返黎, 當然"火星人"完全敗陣啦!
fc話大老細仲講笑咁串"火星人":「唔provide都得, 咁你以後不如做埋有關果d voucher啦~不過唔錯得架! 錯左好大鑊架!」
我地問:「fc火星好唔好玩, 火星人咩樣架?」
fc好攪笑咁話:「火星人好"圓"law(肥).」笑死大家!

fc真勁, 大老細都驚左佢! 掛唔知得fc鬧我地咁叻啦......haha!

Camp Updated!

2006樹仁團契畢業生營

已報名confirm有16人(好多人未confirm, 大家的快d覆我啦!):
強, 基, 基舜, 朱朱, 細joe, 華鈺, 其偉, 惠清, 細e, 高超, Step, Anderson, Bonnie, Elsie, Cindy, 恆恆(第二晚入)

日期: 10月6-8日 (星期五晚入camp)

地點: 梅窩渡假屋 (book左啦! 有2層4間房)














費用: 每人$300 (快d交俾我呀!>_<)

負責人: 基舜, anderson (現召募多位籌位! 冇人自願就做死佢地啦!)

P.S.: 請大家各人選擇一首詩歌send俾我(作camp book用)
keungjoy@gmail.com

開戰

近排心情已經不太好了, 今日仲要俾樓下Regional HR個XXX激死!

冇野搵野黎攪!
不知所謂!
話咩野要continue improvement!
連budget, forcast, cashflow同accrual都攪唔清, 仲要懶醒!
講極都唔明, 仲要係度死撐!
#%&@#~!!!!

好~明天同阿姐一齊落去開戰!

o岩哂~俾我發洩一下!

Scoring

由上個月開始, 埋數變到考試一樣, 要計分.
分幾parts, 計timimg, 計quality.
咁多個country的公司一齊計分, 再排ranging.
上個月排第二, 結果都俾fc話.

今日發現入錯野, 要做late adjustment.
雖然真係好少好少的一條headcount, 完全唔影響盤數.
不過fc係絕對唔容許有一條late adjustment的.
仲要遲左咁多先發現, 死硬.

原本今次做得好好, 又快, 又冇錯漏, 應該第一.
而家......真係唔知跌到得幾. 好失望......
真係好唔抵!! 點會咁唔少心! 激死! ~唉!
成team算最senior係我, 唔可以做錯野的!!

雨

下雨......

總是喜歡呆坐在窗旁

凝望一顆顆雨點灑在玻璃上

看著窗外風景變得模糊

腦內變得空白一片

時間也好像停頓下來

沒有開心, 也沒有悲傷......

五年前看過的一段話

人與人的相遇就像是一個隨機抽樣
在不同的時間空間之中.....彼此相遇....

有些時候...你會發現..
你一開始最看不順眼的人竟然是你的好友.......
因為你發現了他的好....

有時候...你根本不想去認識一個人....你覺得無趣
後來你卻發現......
他是你想要認識的那種人...

有時候.....你非常喜歡一個人....但是你知道...
你們根本不能在一起....

愛你的人....你不愛...
你不愛的人...卻是那樣的愛
你...這複雜的習題卻又如此的跟著我們....解不開 算不清

人家說在對的時間愛一個人...你是幸福的...
在錯的空間遇到一個人....你是痛苦的......

有些人你就是有一種一見如故的感受
有些人你怎樣就是說不上幾句話......

像是一部公車...... 大家在這一站上車......
又在另一站下車 事事總是充滿變數與未知......

曾經感情很好的朋友...... 即使感覺還在......
可是大家都有自己的事情而疏離
所以大家要珍惜每次都偶然邂逅

因為你根本不知道
錯過了這次
你跟他會在哪個空間在相遇......
也許 這是你們唯一一次的相遇......

視博恩音樂會

搵唔到人陪, 結果一個人去左睇視博恩的慈善音樂會.

雖然有好多的表演嘉賓, 不過其實我只係為左睇DOG Power同捧細"姨"場.

多謝step為我悉心安排的最前行的死角位, 對到正個AMP. 我相信係隊live band出場期間, 我已深受好重的內傷, 夜d唔知會唔會吐血tim! 不過個位置真係好前, 可以好近距離見到台上的表演嘉賓都真係幾正!

看到DOG Power出場時心情真係好興奮. 雖然大部份人已經唔同哂, 只係認得兩三個, 不過感覺依然親切. 看到他們又勾起很多的回憶. 雖然我沒有參加過他們, 也不是每場捧場的fans, 但總算得上是最老資格的一班忠實fans吧! (唔知可唔可以有VIP card俾我呢!)

"雨過天晴"作得好好, 我之前都有投佢一票. 不過今次隻舞真係好難學, 我跳到完全左右不分(*_*!) (step, 如果我真係咁不幸地上鏡, 請幫我cut左佢, 或者打格仔, 唔該!)

頭一part見唔到細"姨"出場, 真係有d失望. 好采原來仲有第二part的!
見到細"姨"了, 細"姨"好靚呀! 跳得好好呀!

個show完了之後, 終於可以同台上的細"姨"打個招乎, 我就好似一個可以同偶像傾計的小fan一樣咁開心! HAHA

P.S.:
關心妍唱live真係好正. 勁!
Eternity Girls第一首跳住唱到"luc"哂, 不過一首"回家"拿回不少分數!

真的生氣了

其實一早也預了有這樣的答案.
理直氣壯, 是法利賽人的口吻嗎?
就是因為想到你會這樣回答, 才會生氣.
同上年一樣, 一成不變.
是你太屬靈, 還是我太不屬靈.
除了工作和教會. 你的生命還有什麼?
這種生活真是神所喜悅的嗎? 真是榮神益人嗎?
神是叫我們遠離人群嗎?
重視神等於將一切也看低嗎?
是的這其實對我絕對沒有任何影響.
生氣是因為我太過重視, 同太過著緊你吧!
對不起! 可能是我問題!

2006樹仁團契畢業生營

大家記得上年個camp嗎? 今年會再黎嗎?

日期: 10月6-8日
地點: 梅窩渡假屋(暫定-昨日打左成朝電話, d camp full哂! 應該要住渡假屋.)

報名請留言! 謝謝!

邀請

生日月食飯優惠仍然生效.

恭喜恆恆同step先後被我邀請我食飯~多謝哂!

仲有邊個未請我食飯請自動自覺約我! THANKS!! :)

隊友係邊?

星期日踢波又唔齊人, 又要同外人夾. 佢地只係交波俾自己友, 真係羸都冇癮.

雖然我自己入左球幾靚的遠射, 但我還是喜歡有隊友助攻的入波.

P.S.: 打中堅時有細joe係傍邊真係幾放心. 雖然都失左一球, 但果場我覺得係守得最好的.

留下

每看到一個一個的離開.
心裡也不舒服.
是真的看不到.
還是已經滿足現況.
留不留下是他們自己的決擇.
但事實有沒有值得他們留下的地方呢?
大家給自己太多理由吧!
何時才醒覺.

又係銀包

多謝兩位靚女好友為我慶祝生日!

想想下我地識左差不多九年了, 好開心仲可以keep住咁好.

收到今年的第二個銀包生日禮物呢! 好~我會好好留返下年用的! HAHA!
朋友們, 下年唔好再送銀包了~:P

我愛下午茶

豬扒飽 + 葡達 ~ 正!!

Zidane: Materazzi insulted my mother and sister

'I reacted badly and I would like to apologise for it,'

'I would like to apologise because a lot of children were watching the match. I do apologise but I don't regret my behaviour because regretting it would mean he was right to say what he said.'

'He just put his hand onto my shirt and I told him to stop. I told him that if he wanted it I could give it to him at the end of the match.'

'Then he said very harsh words to me and repeated them several times. I left but then I went back towards him and things went very fast. The words he said concerned my mother and sister. '

'I heard them once, then twice, and the third time I couldn't control myself. I am a man and some words are harder to hear than actions. I would have rather been knocked down than hear that.'

球王施丹

紅牌又如何? 表現勝過一切! 金球獎實至名歸!

污點?! 我看只有馬特拉斯為意大利留下污點呢, 始終只能打敗沒有施丹的法國!

故意挑釁對手令對手出場的人, 才是敗者! 真正的卑鄙小人!

P.S. :我不是法國fans, 也不是施丹fans.

獻上最美的事奉

「無論做什麼，都要從心裡作，像是給主做的，不是給人做的，因你們知道從主那裡必得著基督為賞賜 ; 你們所事奉的乃是主基督。」(西三:23-24)

神對事奉是有要求的.
神對事奉的心更有要求.
事奉是為神而作, 不是為個人的榮耀!

多年的事奉中, 多次試過開會時同人炒大鑊.
轉過頭一出門口又可以有講有笑.
因為大家都係對事不對人, 是為神的事工, 不是為己.
如果不是對事奉有益處的, 我也不會為人情而輕易妥協.

事奉係將最好的給神!

真正敬拜

耶穌對撒馬利亞婦人說:「那用心靈按真理敬拜父的，才是真正敬拜的人。」

敬拜小組:
(1) 帶領會眾投入敬拜
(2) 教導會眾新歌，但切忌一次太多
(3) 預備人心靈聆聽主的話
(4) 享受與主在一起，經歷事奉喜樂

樂器小組:
完整的樂隊是聖樂事奉必具條件：
(1) 訓練重要性
(2) 興趣及恩賜重要性
(3) 靈性培育重要性

生日週

7月1日

練練下歌竟然見到生日蛋糕, 真係好驚喜呢!
多謝以琳的弟兄姊妹呀!

7月5日

剛剛埋完數, 今日返工好輕鬆呢!
d同事知道我生日, 對我特別好呀! 咩都唔駛我做, 又叫我一定要準時收工.
靚太同事為左同我食lunch而調假, 好感動呀!
下午十幾人一齊去飲茶為我慶祝.
返到公司竟然又有生日蛋糕呢!!! (平時只有manager或好多人生日先有). 哈~! 我d人緣真係唔差呢, d同事真係好錫我呀!
前兩年生日都要係公司OT, 今年終於可以準時走了, 真是太好了!
___________________________________________________________

芝芝架車出黎接我收工, 果然又行錯路呢! 不過都準時到達!
有進步了, 唔駛我四圍去搵返架車.

節目......遊車河!!?!

多謝芝芝悉心為我安排, 雖然原本想去的地方都去唔到~哈哈!

回家收到媽咪同家姐的大利是, 真係收獲豐富!

7月6日

放工後同樹仁團契幾個弟兄姊妹吃飯, 有基舜, 朱朱, 靖, 秀汶, 華鈺, 基, 雞蛋.
每年都有你地同我慶祝呢, 多謝哂呀!
同上年一樣又講攪camp呢! 等左咁耐先一年, 希望攪得成啦!

7月7日

放工後同同事行山.
行夜山, 幾刺激, 見到螢火蟲呀!
上到大老山山頂望落去真係好靚!

估不到我的體能都仲幾好, 同一班成日行的人都跟得上, 仲要係行頭果幾個!
反而成日行山的同事俾我放離了, 唉~真係有d唔好意思tim!
不過話哂中學時都係堂堂野外定向會主席喎~haha! (:p自誇中)

生日

多謝大家的短訊,留言&電話!

好開心, 好感動!

我的心情

JOGA決賽SNAP SHOT

原本著住件UMBRO, 結果要穿返件NIKE先俾拿獎.



















我最喜愛球星-立青













隊長氣定神閒處理點球!不過......



















李生:兩隊咁互相踢個波出界,唔係辦法架喎!








踢到決賽先有個咁靚的場.

喜歡就喜歡

英格蘭進身八強!

但表現又再次叫人失望.

不過會繼續支持!

點解喜歡英格蘭?!

喜歡就喜歡!

有人話打得咁差, 踢得又唔好睇, 你仲鍾意?!
我想如果打得差就唔鍾意, 邊隊好就捧邊隊, 你永遠都享受唔到睇波最刺激最樂趣的地方!

前幾日

星期五晚約了兩位樹仁最friend的同學食飯, 知道Annie決了志, 好開心呢! 感謝主呀! 願神繼續保守佢成長. 希望遲d有機會可以同佢分享信仰呢.

還欠Amy未信! 要繼續為佢祈禱!
_____________________________________________________

星期六去了宣基舊同事的婚宴, 開心可以見返大家.


六個人而家得返carmen一個仲係宣基呢! 想起好多以前工作的片段, 其實果時都返得幾開心. 我想, 如果而家的同事可以係咁就好了. 而家返工真係好悶呢, 一個朋友都冇咁.
_____________________________________________________

星期日晚同以琳弟兄去摩士踢人造草場. 對手係細菌公司d客. 雖然係夜晚, 但係天氣又熱又焗, 好辛苦!!! 其實對手係弱的, 我地都輸好多球呢 :p
覺得自己狀態幾好, 帶波傳波都幾順. 不過冇計都幫唔到入波, 因為我都唔係d可以帶波一個過幾個的人, 一向都係打助攻同走位. 今日前面是完全冇供應, 下下要自己走去拿波, 有時又要回防, 個場咁大, 真係走死! 走到空位時, 又唔交(><)!! 想~如果海靖係度交波就好了.

不過同班弟兄一齊踢波都係好開心的!

南韓出局

南韓輸了出局, 慘!


聽到旁述不停鬧南韓的領隊.

"總係艾和卡特的調動係令人費解?!"
"冇理由咁出?!"
"咁的調動, 真係不敢恭維!"
"真係唔係好明點解佢換走李榮杓?!"
"薛琦鉉腳法上盛都唔明點解咁耐先出佢?"
"最大最大的分野, 都係領隊!"
"其實南韓的每一個球員都真係打得好盡力, 可惜領隊不當的調動......"
"唉.......唉......."

一場係咁, 兩場係咁, 最後果場都係咁. 真係俾個領隊害死!!

但仍欣賞南韓球員的努力同鬥志!

永不言敗

捷克雖然輸了, 但有一個人冇輸!

全場射門最多又係佢,
全場攔截最多又係佢,
全場走動最多又係佢,
攻又係佢, 守又係佢, 背起全隊.

尼維特

值得尊敬!

英格蘭

奧雲重傷, 緣盡世界杯. 可惜.


祖高爾越打越好, 射入一球世界波加一球助攻, 勁!

謝拉特後備上陣都有入球.

林柏特你去左邊?

勇奪JOGA3亞軍

我地SYCCF(樹仁團契)殺入NIKE JOGA三人足球的決賽, 結果同對手打和, 可惜射點球輸了, 最終奪得亞軍. 其偉,靖,嘉輝,強,臣 (基~黎緊)
短片: 球員吹水
相片: 比賽精華

其實參加之前真係想都想唔到會入決賽, 因為有成百幾隊參加, 睇落好多隊都好勁. 開頭仲諗住初賽就出局, 點知又俾我地踢踢下踢又踢左入決賽, 真係連有線"德能兄"都估我地唔到!
好似都幾符碌, 不過其實想真d都唔啦! 雖然羸得唔夠漂亮, 冇乜入波, 和左幾場. 不過其實我地d防守真係好精彩, 守得好穩.
幾隊強隊對住我地時踢得更唔漂亮啦, 俾我地打亂哂, 反而睇落我地壓返住佢地黎打.
其實踢到最後幾場, 真係好有信心一球不失, 結果我地都保持了整個決賽週(兩日8場)不失球的紀錄! 都抵入決賽架啦!
當殺入決賽, 踢成0:0, 要射點球的時候, 其實真係好有信心會羸, 因為我地之前幾場羸點球都射得好出色. 最後輸了, 都有少少失望, 因為我覺得好有機會羸. 不過都好開心, 第一次參加, 拉雜成軍, 練都冇練過, 就得第二, 總算超額完成啦! 領隊臣要請食飯啦!

不過Nike d獎品真係叫人失望~竟然係XL同XXL巴西球衣!?! 肥恆都著唔到XXL啦! 難為了大家吧!


32強賽
16強賽(點球)
4強賽
決賽 (有線李德能旁述)

英格蘭羸波

前晚英格蘭羸波, 縱然開心. 但睇到踢成咁, 又真係幾失望.

高治......雖然頂入致勝一球, 但不停浪費黃金機會. 對千里達就話有咁多機會俾你, 但如果對D強隊, 黃金機會可能只係得一兩個.

謝拉特射入精彩的遠射, 但佢個林柏特兩個真係夾唔到. 睇左兩場差不多冇見佢地互有傳送, 謝拉特入波後, 林柏特都冇同佢慶祝, 好似有心病咁.

不過朗尼服出令人振奮. 期望你助英軍改變單調的進攻模式.

奧雲, 對你有信心. 快D操返狀態搶返正選. 唔係的話, 靠高治就真係死硬.

幸有細JOE同芝芝相伴一齊睇波, 一齊睇係開心D!

有點失望

南韓2:1反勝多哥, 其實應該好高興, 不過又有點兒失望.

南韓隊失去了上屆的積極, 沒有了十上十落走不完的氣力, 沒有波到人到的壓迫.

開波時知道領隊收起了安貞桓, 薛琦鉉同金南一等主力都覺得好奇怪.

睇見前面曹宰榛完全冇用, 又夾唔到隊波, 但係遲遲都唔換走, 就仲激氣!

咁多個領隊真係只有希丁克最似樣, 換人最決斷.

結果下半場一出安貞桓, 隊波的攻勢先有返哂組織. 佢仲入球靚波tim, 好野!


不過點都好, 開心可以再次見到南韓球員完場後跪在場上祈禱感恩的畫面!