11月12日

上上返崇拜時竟然見到好耐冇見的Leo,
其實昨晚我見到籃球隊時我都想起佢.
可以同佢傾左一陣真係好開心!

下午職員祈禱會, 感覺好好!
好開心, 竟然收到上宛的聖誕禮物! 我會好好利用的!

晚上同友叔出去灣仔踢波.
原本諗著唔齊人都幾惡打, 不過原來對手仲唔齊人呢!
相反其實我地今日我攻力都幾強, 有阿ray同狀態好fit的阿嫂.
估唔到大部份人第一次夾都夾得唔差, 踢得好順, 輕輕鬆鬆咁大勝!

友叔久休復出即刻有波入, 不過明顯不在狀態.
得15分鐘體力的佢踢左2個幾鐘都仍然可以企係場度都算係咁 (雖然佢真企係度唔郁!!!:p)

我今日都踢得唔係咁好, 始終隔一排冇踢都有d影響.
入左3球都算係咁 (有1球係烏龍呢~haha!)
有一球推右走左過左個中堅, 再勁射入網!!!
我都估唔到過得咁靚!! haha!