其偉,靖,嘉輝,強,臣 (基~黎緊)短片: 球員吹水
相片: 比賽精華
其實參加之前真係想都想唔到會入決賽, 因為有成百幾隊參加, 睇落好多隊都好勁. 開頭仲諗住初賽就出局, 點知又俾我地踢踢下踢又踢左入決賽, 真係連有線"德能兄"都估我地唔到!
好似都幾符碌, 不過其實想真d都唔啦! 雖然羸得唔夠漂亮, 冇乜入波, 和左幾場. 不過其實我地d防守真係好精彩, 守得好穩.
幾隊強隊對住我地時踢得更唔漂亮啦, 俾我地打亂哂, 反而睇落我地壓返住佢地黎打.
其實踢到最後幾場, 真係好有信心一球不失, 結果我地都保持了整個決賽週(兩日8場)不失球的紀錄! 都抵入決賽架啦!
當殺入決賽, 踢成0:0, 要射點球的時候, 其實真係好有信心會羸, 因為我地之前幾場羸點球都射得好出色. 最後輸了, 都有少少失望, 因為我覺得好有機會羸. 不過都好開心, 第一次參加, 拉雜成軍, 練都冇練過, 就得第二, 總算超額完成啦! 領隊臣要請食飯啦!
不過Nike d獎品真係叫人失望~竟然係XL同XXL巴西球衣!?! 肥恆都著唔到XXL啦! 難為了大家吧!
32強賽
16強賽(點球)
4強賽
決賽 (有線李德能旁述)
3 則留言:
SYCCF足球隊好叻呀!
Jesus Christ勁呢!
小強係強喎!
係呀! 我地係得0架! 雖然我地無好似韓國隊咁一起禱告, 但係在每一場前都有在心中默默禱告在天上的父! 希望他能保守我們的平安呢!
其實我都有祈禱架, 希望大家踢得開開心心, 平平安安. 結果得到更多, 真要感恩!
不過最後射點球冇祈, 因為諗住嘉輝入硬, 信人唔信神, 所以出事了, haha!(講笑)
多謝其偉你誠邀, 其實星期六果日原本有野做真係唔係咁想黎, 最後幸好來了, 如果唔係就冇左一次咁難忘的經驗!
發佈留言