星期1至6

今個星期工作仍然繁忙, 又成日被老細鬧, 有時都做到冇乜心機呢!
不過要學習積極面對, 鬧就鬧啦! 就當學野law!
唔好太介意別人點睇自己! 我就係我!
__________________________________
今日下午同媽咪行街, 好耐好耐冇同佢行街了.
買野送俾媽咪, 好開心呢!
__________________________________
今日返團契睇左一段有關柬浦寨的video.
睇到有d心痛.
小朋友的絕望目光, 同燦爛的笑容強烈對比.
只是為了生存而活嗎?
__________________________________
感謝主, 整個星期都好開心!

假期天

放左兩日假, 充返下電, 整個人都精神返哂!
不過依兩晚仍然夢見公司的事, 睡得不太好, 壓力仍在呢!

昨晚週會講九型人格. 雖然大專時代已經聽過又玩過. 不過仍然好有興趣呢~想知自己有冇改變.
結果2最多, 其次4,6,9(一樣分).
都係同以前一樣2.助人型最多. 不過其次除了以前一樣的6.忠誠型同9.和平型, 今天多了4.自我型.好似進步左喎! 因為社工哥哥話順序1->7->5->8->2->4->1 就好嗎? 2去4好野黎喎! (雖然都唔係好明?!不過好就好啦, haha!)

今日完左祟拜同團友食飯, 話題仍然離不開九型人格呢!
嘩, 有個未來特首出左黎!
組長係"領導型"果然同邊個好夾, 佢點睇都係被領導型啦, haha!

下午出旺角同表弟行街! 好野~總算有收獲呢!

辛苦

日日都咁多野做.
做錯野俾阿姐話.
唔關事又要食死貓.
做到頭痛都唔走得.

做唔完

雖話挨完. 都要九點幾走. 仲有好多野要交呢! 夠竟幾時先可以完呢?

好想休息, 好想有安靜的時間, 好想退修, 好想好想......

身體原來真係會挨壞, 近排有好多唔妥咁!

要加油!

新的一年

終於都挨過了year ended!!!! 仲未死得!!

咁耐冇寫日記, 補返先!

1/1
返工前去左返早堂祟拜. "Look at the world"好好聽, 旋律令人好舒服. 講道講到"你有甚麼應該丟去的東西還沒丟去呢?"......"神能將一切更新!" 好有同感!

收到今年第一份禮物! 好開心!!!! 多謝!!

返工OT.

1/2-6
返工OT返工OT返工OT返工OT返工OT. (多謝offline message陪我加油!!)

1/7
好兄弟"死仔tim"結婚了! 見到弟兄咁幸福, 真係好開心呢!!!!

做兄弟都真係幾忙, 一早起身接新娘, 到飲宴完畢都未停過. 加埋又要負責幫手影相, 攪到野都冇乜點食. 不過能夠有幫到手其實係我的榮幸呢! 唔駛講咁多"多謝"喎!
好開心可以分享弟兄的喜樂呢!
飲完後11點幾, septsept聊去飲野. 怕你咩?! 結果5個人去左飲野傾計.傾傾下成2點幾先走! 好累~大昏迷呢!! ZZZZZZz....zzzzzzzzzzz.....