復活節

轉下眼四天的假期又過了. 頭兩天芝姐病了, 主要休息, 冇乜地方去.

星期六晚團契講愛情, 成班弟兄傾下計又幾特別喎.
"出前一丁"事件......弟兄們緊係撐返弟兄啦!

星期日返完崇拜同大家姐一家飲茶, 之後行下街. 四點去了睇細菌受浸. 恭喜恭喜!

影完相同芝芝趕入大嶼山去camp. 我地先係東涌食過飯, 再會合基蛋一齊座巴士入貝澳.
今次去camp共八個人. 基舜, 朱朱, 華鈺, 阿lin, 基, 雞蛋, 芝芝同我.
我地成九點幾先去到渡假屋, 之後BBQ燒到十二點. 跟住出左沙灘行.
貝澳的營地真係好靚, 設備齊全, 又有管理員. 對住個大海露營真係好好feel呢! 難怪成為阿lin同阿筠的"依邑"勝地! 哈哈!
成點幾返入屋玩uno. 原本都好累, 不過之後大家越玩越精神. 芝芝同阿lin鬥得難分難解. 其實我已經時常背後偷襲阿lin, 可惜芝芝下下出錯罰五隻, 真係愛莫能助......(^^!) 結果芝芝兩分之差擊敗有"uno得分王"之稱的阿lin. 成為新的得分王.
之後玩動物咭, 我都係第一次玩, 好得意! 玩落又幾好玩喎, 而且仲好攪笑! "殺人鯨"朱朱的兇猛, "老鼠"基的鬼鼠......原來"蚊"都可以大哂, 哈哈!真係笑死!
結果大家玩通頂. 好耐都冇玩到咁癲呢!

第二日十二點幾出camp, 返到屋企成兩點幾.
訓左幾個鐘又去同團契唱K+慶祝細菌生日.
仍然好累......結果猛咁恰眼訓(=o=) . 雖然冇乜唱過, 不過能夠見到P&P合唱情歌已經沒有遺憾! 抵哂! 哈哈!

我的好處不在你以外

「我的心哪，你曾對耶和華說：你是我的主；我的好處不在你以外。」(詩16:2)

生命中一切的豐盛都是因著上帝和藉著祂而來，沒有任何的福分是在祂以外.
健康, 工作, 家人, 朋友, 弟兄姊妹, 芝姐, 三劍, 休息, 踢波, 曼聯贏波, 車仔輸波, 行街吹水, 高達, 西多士, 豆腐糯米"米茲", 睇電視, 返團契, 彈結他......
這些都不是必然的，它們都是上帝的恩賜!
感謝主!

曼聯vs阿仙奴

曼聯2:0贏阿仙奴.
我喜歡的朴智星有波入.
yeah!!!!!

I Love this game

一連兩日有波踢!
昨日先同幾年冇見的中學同學踢波. 估唔到大家的技術都仲係度, 不過體力就......哈哈!
開心見到傷足兩年的billy復出. 兩年冇踢仍然可以黎一下心口控前, 左腳volly勁射掛網. 佩服! 佩服!

今日同樹團踢波. 新波衫真係幾靚.
都係同樹團踢波最開心, 不過有段時間真係有d激氣.
唔係唔想同唔識的人夾, 有d人唔走位, 企住係度等波到, 都唔緊要了 (可能係佢踢法的問題)
但係最唔鍾意就係聽到佢係場邊度不停咁話冇人肯交波俾佢. 唉! 咁不如叫佢打後好過! 算了! (多口了tim!)
今日左右兩邊後衛守得好好, 包哂d波, 抵讚!
我都未試過踢中堅可以咁輕鬆.
前面幾個打得好好, 有"吳卓RAY"真好強!
結果我地大勝一場!
雖然好似羸好多, 不過一D都唔覺得對手弱, 只係冇乜組織.
兩日自己都踢得唔係咁順, 交波下下唔到位.
算, 以後唔交, 自己去! 哈哈!

失眠

背部仍然不時陣痛.

幾天都睡得不好.