惡夢

曼聯4月29日宣布，陣中的英格蘭前鋒國腳魯尼(W.朗尼)因右腳骨折，將缺陣六周。「魯尼右腳第四蹠骨基部骨折。他將會缺席六周，」曼聯網站中發表簡短聲明稱。在曼聯周六客場0-3負於切爾西(車路士)中，魯尼第78分鐘遭到保羅費雷拉(費利拿)嚴重侵犯，重重摔倒在地。魯尼被視為英格蘭能否在德國世界杯取得佳績的關鍵人物。

英格蘭球迷的惡夢!

飛起

今日同樹團踢波.
俾人專攻我地後防控球唔穩的弱點.
不過基舜話齋當練下都好.
其實大家的防守同清波都算唔差.
要學搓波, 真係要慢慢黎. 一齊努力啦! (真係想睇到大家都進步!)

多得阿基同基舜合力製造球五五波俾我追, 等我被對方門將成個炒起. 結果跌傷隻手, 好痛! 攪到之後都冇得踢, 慘!

今日見到青雲, 又同na姐傾左陣電話.
原來佢地都畢左業成年呢! 記得我畢業果時佢地先yr1.
唔知幾時真係有機會可以同成班"樹團友"聚聚呢?!

十架的冠冕

十架的冠冕

路是難走，但比起您的十架路
我今天算甚麼；來起身再走過，
遇著痛苦，您亦經過世間苦與樂，
您的救贖愛海，我得勝和釋放，

凝望著十架的冠冕，仰望您渡過每天，
您體恤我的軟弱，明白我親身處境，
無論遇著困苦憂愁，您亦會在我身邊，
您興起我的生命，我今得到信心面對挑戰。

從細Joe的日記第一次聽到這歌, 已經好有感觸.
昨晚團契領詩時, 我選了帶這歌. 可惜有兩位"我好想送這歌俾佢的人"都錯過了.
另外也想送俾樹團幾位搵緊工的弟兄姊妹. 細Joe, Step, Yester, 朱朱.
為你地代禱!

男子組(二)

今晚男子組約踢波.
一去到有成六隊跟隊.
結果成班人著哂"白飯魚""波boot"打籃球.
打打下有人竟然跟隊.
真係唔明? 咁多場唔跟, 見到我地玩玩, 都要跟我地果度.
結果我地去返足球場跟隊踢波.
跟跟下有兩班細路為少少事打架, 之後仲"吹雞". 唔夠一陣又多幾個黑衫大佬幫拖. 擾攘一陣就走哂. 都好, 少左兩隊跟隊! 哈哈!
對住"地膽"檯柱, 第一場都守到十分鐘先輸.
不過之後, 我地同另外一隊一樣唔夠兩分鐘又輸. 大家輪住輸!
幸好果隊附附碌碌咁贏左"地膽"檯柱, 之後我地對住佢地就有得打.
攻勢都唔少!
我浪費左一次單刀機會.
到左第二次單刀, 真係睇到定先敢射. 終於射入! 之後樹年又入一球, 不過對方話手球唔算.
結果我地最後都贏返場!

生疏?

前晚同完死仔tim食飯, 今日又同恆恆食飯.
太耐冇見恆恆, 竟然有d生疏的感覺.
唔知呢?