昨晚見隻腳仲未好, 食左一粒西醫俾的消炎藥, 結果出事~又係藥物敏感!!!
9點鐘食藥, 到11點左右隻眼好痕, 不停流鼻水, 經驗話俾我知又出事了!!
雖然藥物敏感唔係第一次, 不過每次都會好辛苦(比病更辛苦), 而且我知仲有幾個鐘挨!
隻眼好快就腫哂, 及至成塊面都脹起, 腫到甚至乎掙唔開隻眼睛, 睇唔到野! (變左鹹蛋超人咁!)
腫的地方又痕又"火慶", 好似想爆開的感覺, 要不停用冰敷眼, 不停飲水!
同佢爭鬥到三四點, 藥力終於散了, 程況好轉了. 雖然仲係好腫, 但己經唔痕唔痛, 終於可以睡一會!
朝早起身, 依然好腫, 又要請一日病假呢!
11 則留言:
如果仲痛..~ 入院check check 都好架.
小強：
難以想像！
保重!!保重！
以馬內利!!
咁即係...睇左醫生未？
係啦!睇下醫生啦!唔好亂咁食藥啦!
請問如果想加首歌或者加相係個網係點做?
醫生開?藥敏感呀？
小心?好...
抄底隻藥名...
第日睇醫生就記得帶埋去俾醫生睇啦...
慘... 咁今日好d 未呀?
下次最好同e生講你對呢d 藥敏感呀...
d藥係我前日睇醫生睇隻腳時佢開俾我的. 佢知我有藥物敏感的, 不過今次俾我的消炎藥我之前都未食過. 昨天已經返去睇果個醫生, 佢換左d藥, 又俾左d敏感藥我食, 現在好好多了.
今日仲OT到成十點半先走~~>< 好慘!
你真係勇...明知自己有藥物敏感都搏一搏...唉!睇左醫生未呀?
AIYA ....不過好難講呢﹗最緊要你要知道你係對邊隻藥有敏感呀﹗我都試過幾次你既情況，所以我明白你果種想爆的感覺，真係比其他病仲辛苦百倍(眼腫，面腫，頸腫，手同腳及至全身都超痕，抽筋同發冷，第一次仲嘔tim)...不過你下次就唔好等佢慢慢消腫呢﹗因為我第一次因為藥物敏感而入院留醫時，個醫生同護士都同我講唔好再食呢隻藥，因為有機會一次比一次嚴重，仲會透唔到氣 ga~ 你下次記住要去醫生度打抗敏感針呢﹗一個鐘倒就冇事呢﹗唔洗辛苦咁耐，同埋唔會咁危險呢﹗我發病時間係一次比一次短，第一次係半個鐘，第二次係五分鐘 jia~ 所以你真係要知道你係對邊隻藥物敏感呢﹗同埋如果你下次都係咁嚴重，不如你入急症啦﹗醫生會幫你開張紅咭仔，醫院都會有你既 record，咁就更加安全了~紅咭仔你要keep住0係銀包，如果要睇街果d醫生時，佢地先會信你你係對呢隻藥敏感的，知 ma﹗？
POOR U...
前2 日見到你都好似冇事咁啦, 係咪好返啦?
阿女,
謝謝妳關心啦, 果然有其父必有其女呢, 大家都有藥物敏感, haha!
tweety,
好返了!
發佈留言